Janë publikuar pamje të kapura nga kamerat e sigurisë të cilat tregojnë momentin kur një urë u rrëzua në Miami, Florida, duke vrarë së paku katër persona dhe duke plagosur dhjetë të tjerë.
Sipas mediave të huaja, përcjell Telegrafi, ura u ndërtua për të "përmirësuar sigurinë e studentëve" pranë Universitetit Ndërkombëtar të Floridës.
Ura e këmbësorëve prej që kushtoi rreth 11 milionë dollarë u projektua për ta bërë më të sigurt që studentët të kalonin një autostradë të ngarkuar me tetë korsi në Universitetin Ndërkombëtar të Floridës.
Ajo thuhet se u vendos në vetëm gjashtë orë duke përdorur një metodë revolucionare përmes së cilës ura është ndërtuar jashtë vendit për të shmangur pengimin e trafikut në minimum.
Ura kishte për qëllim të përballonte një stuhi të Kategorisë 5 dhe të qëndronte për 100 vjet. Por tani firmat prapa dizajnit dhe ndërtimit përballen me një hetim potencial penal.
Ura rreth 53 metra e gjatë dhe që peshonte rreth 950 ton, thuhet se u shemb në momentin që tetë makina prisnin dritën e kuqe nën të. /Telegrafi/
