Disa të lënduar pasi turistët britanikë ‘u përleshën me punonjëset tajlandeze të seksit’ – sherri filloi për shkak të pagesës

Një festë me “punonjëse seksi tajlandeze” dhe turistë britanikë u shndërrua në një luftë të ashpër dhe si pasojë një nga të rinjtë u godit me thikë në stomak.

Sipas mediave të huaja, përcjell Telegrafi, përleshja filloi pas një mosmarrëveshjeje rreth pagesës.

Pushuesit dyshohet se i thirrën pesë shoqëruesit transgjinorë në vilën e tyre së bashku me dy gra të tjera në ishullin Phuket, në Tajlandën jugore, në orët e para të 22 shkurtit.

Por në mes të festës, një mosmarrëveshje mbi çmimet ndezi skenat kaotike të cilat zgjuan të gjithë banorët përreth.

Pamjet tronditëse tregojnë punonjëset e seksit të zhveshura duke vrapuar në rrugë ndërsa të dy grupet hodhën gota dhe vazo kopshti mbi njëri-tjetrin mbi murin e kopshtit.

Siç thuhet më tej, brenda pronës, xhamat e thyer mbuluan dyshemenë dhe gjaku u shpërnda nëpër mure, mes shisheve bosh dhe cigareve.

Një fqinj i tmerruar duke parë nga ballkoni i tij dëgjohet në video duke thënë: ‘Zoti im, ata po vrasin njëri-tjetrin’.

Policia që mbërriti në vendngjarje trajtoi një 23-vjeçar nga Bristol për një plagë me thikë në stomak përpara se të fashohej dhe të dërgohej me urgjencë në spital. Oficerët thanë se burrat e tjerë në grup ishin gjithashtu britanikë.

Përleshja thuhet se shpërtheu kur një nga prostitutat e pakënaqur rrëmbeu një portofol që i përkiste njërit prej britanikëve.

Në përleshjen që pasoi, burri i paidentifikuar dyshohet se u godit me thikë kuzhine kur një nga prostitutat rrëmbeu sendet nga sirtarët gjatë përleshjeve.

Policia mbërriti pak pas orës 4 të mëngjesit me orën lokale për të qetësuar situatën.

Oficerët morën në pyetje të përfshirët ndërsa hetonin përleshjen masive në lagjen Kata të ishullit popullor të pushimeve. /Telegrafi/