Disa lagje në kryeqytet të shtunën nuk do të kenë ujë të pijshëm

Kompania rajonale e ujësjellësit “Prishtina” bën të ditur se në kuadër të përmirësimit të vazhdueshëm të infrastrukturës së rrjetit të ujësjellësit në tërë zonën e shërbimit të shtunën, më 29 ka planifikuar punime teknike në gypin e ujit nga  çeliku fi 600 mm që vije nga Badoci në rezervuarin e Mirditës.

Si rrjedhojë, të shtunën duke filluar nga ora 08:00 – 20:00 nuk do të kenë ujë të pijshëm këto zona: Komuna e Graçanicës, Hajvalia, Veterniku, Matiqani ( konsumatorët që janë të kyçur në gypin e çelikut), zona qendër e lagjes Bregu i Diellit, një pjesë e Aktashit dhe një pjesë e  Lagjes së  Muhaxhirëve në Prishtinë.

“Janë bërë të gjitha parapërgatitjet nga operatori ekonomik në koordinim me drejtorinë teknike dhe ekipet e mirëmbajtjes e operimit , andaj janë të gatshëm për intervenim të pandërprerë  në bashkëpunim me operatorin ekonomik. Për shkak që,  ndërprerja e furnizimit me ujë të pijshëm do të jetë mbi 6 orë, autocisternat do jenë në terren për furnizim me ujë për konsumatorët e afektuar nga këto punime teknike”, thuhet në njoftim. /Telegrafi/