Disa forca ruse pranë Ukrainës po kthehen në baza, thotë Kremlini

Disa trupa ruse pranë kufirit me Ukrainën po kthehen në bazat e tyre pasi kanë përfunduar stërvitjet e tyre ushtarake, ka thënë Kremlini.

Sipas mediave të huaja, përcjell Telegrafi, njoftimi i sotëm mund të de-përshkallëzojë fërkimet midis Moskës dhe Perëndimit mes frikës për një pushtim të afërt.

Lexo po ashtu Kriza në Ukrainë, pesë pyetjet kyçe teksa forcat ruse synojnë të fillojnë një luftë në Evropë

Stërvitjet ushtarake në shkallë të gjerë në të gjithë vendin janë ende duke vazhduar, në atë që shihet si një shfaqje e forcës së fuqisë së Rusisë.

#BREAKING Some Russian forces near Ukraine returning to bases: ministry pic.twitter.com/pgj9J3flRf

— AFP News Agency (@AFP) February 15, 2022

Por agjencia e lajmeve Interfax e vendit citoi ministrinë e mbrojtjes të thoshte se disa njësi të distrikteve ushtarake jugore dhe perëndimore kanë përfunduar stërvitjet e tyre dhe kanë filluar të kthehen në baza.

Lexo po ashtu Si filloi dhe ngjarjet që përcollën "ditë pas dite" krizën e fundit Ukrainë-Rusi

Ndryshe, Rusia ka grumbulluar mbi 100,000 trupa pranë kufijve të Ukrainës, duke shkaktuar frikën e një pushtimi.

Dhe stërvitjet e përbashkëta të Moskës me Bjellorusinë e 10-20 shkurtit nënkuptojnë se Ukraina është pothuajse e rrethuar nga ushtria ruse.

Rusia ka kërkuar garanci nga NATO se Ukraina dhe vendet e tjera ish-sovjetike nuk do të lejohen kurrë të bashkohen me aleancën e sigurisë, të cilën aleatët perëndimorë e kanë refuzuar, duke përmendur të drejtën e të gjitha kombeve për vetëvendosje.

Aleatët perëndimorë në vend të kësaj kanë hartuar një listë me sanksione “të rënda” ekonomike në një përpjekje për të bindur Moskën nga ndërmarrja e çdo inkursioni ushtarak në Ukrainë në mes të një stuhie të bisedimeve diplomatike të nivelit të lartë midis Rusisë dhe Perëndimit dhe midis anëtarëve të NATO-s.

Ministri ukrainas i Mbrojtjes, Dmytro Kuleba duke reaguar ndaj njoftimit të Moskës se po tërheq disa trupa nga kufiri, citohet të ketë thënë: “Së bashku me partnerët tanë, kemi arritur të parandalojmë çdo përshkallëzim të mëtejshëm nga Rusia”.

Lexo po ashtu “Të fuqishme dhe të gatshme për luftim”: Publikohet harta, tregohet ku janë të vendosura forcat e NATO-s në Evropën Lindore

Njoftimi i Rusisë vjen pasi kancelari gjerman Olaf Scholz është planifikuar të takohet me Presidentin Vladimir Putin të martën.

Putin diskutoi gjithashtu për situatën edhe me presidentët e SHBA-së dhe Francës, Joe Biden dhe Emmanuel Macron, gjatë fundjavës.

Scholz, i cili vizitoi Kievin të hënën, përsëriti mbështetjen e Perëndimit për “sovranitetin dhe integritetin territorial të Ukrainës”.

Ai gjithashtu kishte kërkuar që Moska “urgjentisht” të tregojë shenja të de-përshkallëzimit.

Trupat ruse për momentin janë vendosur gjithashtu në Bjellorusi për të marrë pjesë në stërvitjet e përbashkëta ushtarake të planifikuara për të përfunduar më 20 janar. Moska gjithashtu ka zhvendosur gjashtë anije luftarake në Detin e Zi. /Telegrafi/