Lojtarët më të mirë të tenisit janë duke u stërvitur jashtëzakonisht shumë për të qenë në top formë gjatë turnirit më prestigjioz në planet: Wimbledon-it. Por, ushqimi të cilin e konsumojnë është po aq i rëndësishëm sa orët që i kalojnë duke stërvitur në fushën e tenisit.

Numri dy i Britanisë Heather Watson – e cila kishte mposhtur Anastasija Sevastovan – dhe Asociacioni i Tenisit të Grave (WTA) kanë shpërndarë dietën ideale, duke zbuluar se si top atletët botërorë arrijnë të kenë sukses.

Pjatat e kësaj diete përfshijnë ushqime të shëndetshme nga të cilat mund të përfitojë kushdo që stërvitet rregullisht – por dieta përfshin edhe “dhurata” interesante.

wimb2

Heather Watson: Çfarë ha gjatë një dite Për mëngjes: Zakonisht nuk jam aq e uritur në mëngjes, por ha disa fruta, një rriskë tost dhe disa vezë. Them se nuk jam e uritur por prapëseprapë ha shumë, pasi që mëngjesi është shujta më e rëndësishme e ditës. Kur jam në shtëpi, unë ha një rriskë tost me salmon të tymosur, avokado dhe vezë.

drek

Për drekë: Dreka është shujta e preferuar e ditës sime! Gjatë ditëve të treningut preferojë të konsumojë proteina përmes ngrënies së pulës apo peshkut, e gjithashtu konsumojë edhe shumë pemë dhe perime – kryesisht gjatë drekës konsumoj perime.

Për darkë: Gjatë darkës preferoj të ha më pak sesa në drekë, por ushqehem njësoj. Kjo do të thotë se nëse kam ngrënë peshk për drekë, në darkë ha mish ose anasjelltas. Por prapëseprapë, edhe në darkë konsumoj shumë perime. Ushqimet me sasi të lartë të karbohidrateve nuk i konsumoj aq shumë sepse karbohidratet gjenden edhe në pemë, perime dhe proteina. /Telegrafi/

Ushqim i shëndetshëmAjo