Dieta që ndoqi Renee Zellweger për të humbur 48 kilogramë duke bërë transformim të jashtëzakonshëm

Renee Zellweger është një aktore me famë botërore e cila njihet për rolin e saj si Bridget Jones në ekskluzivitetin e filmit të quajtur sipas personazhit të titullit.

Me kalimin e viteve ajo shtoi në peshë dhe më pas përmes një transformimi të pabesueshëm humbi 48 kilogramë.

53-vjeçarja ka një numër të madh rolesh pas saj dhe fitoi çmimin Oscar për rolin e saj në “Cold Mountain”, ndërsa shumëkush e ka vënë re se si ylli ka ndryshuar me kalimin e viteve.

Renee fitoi peshë dy herë për të luajtur në komedinë Bridget Jones. Dhe derisa vet aktorja ka mbetur gjithmonë e dobët në jetën normale, roli i kërkoi të shtonte peshë. Herën e parë për rolin e Bridget, ajo shtoi 15 kilogramë, kurse herën e dytë shumë më tepër.

Aktorja arriti këtë transformim mbresëlënës jo një herë, por dy herë. Në fakt, ajo ndoqi një dietë të caktuar, në përpjekje për të shtuar peshë, por edhe për të humbur peshë.

Konsumonte 4.000 kalori në ditë – dyfishi i marrjes së rekomanduar ditore për femrat – për të shtuar kilogramët për këtë rol. Por, si shumica e njerëzve, Renee kujdeset për shëndetin e saj dhe ndjek një dietë për ta arritur atë. Për vite me radhë, ajo ndoqi dietën Zone, e cila ndikon në shëndetin e përgjithshëm të trupit, jo vetëm në humbjen e peshës.

Çfarë është dieta Zone

Dieta Zone është si dietat e tjera të njohura, siç është dieta keto, pasi u tregon ndjekësve se sa duhet të hanë nga secili grup makronutrientësh.

Megjithatë, kjo dietë është më e lartë në karbohidrate sesa dieta keto, me një ndarje prej 40 për qind karbohidrate, 30 për qind proteina dhe 30 për qind yndyrë.

Krijuesi i dietës, Dr. Barry Sears, pohoi se e krijoi atë pasi vuri re një seri vdekjesh të hershme të lidhura me sulmin në zemër në familjen e tij.

Ai pohoi se inflamacioni është shkaku i shtimit në peshë, por edhe sëmundjeve dhe plakjes së përshpejtuar. Mjeku mendoi se kjo mënyrë e të ushqyerit do të kufizonte inflamacionin dhe do ta reduktonte vdekshmërinë. /Telegrafi/