Manchester Unitedi mund ta gjejë veten sërish kundër Diego Costas të dielën, pasi Rayo Vallecano thuhet se i ka bërë ofertë sulmuesit.
Ish-futbollisti i Chelseat është aktualisht lojtar i lirë, pasi e kishte ndërprerë kontratën me Atletico Mineiro në fillim të vitit.
33-vjeçari u tregua lojtar i rëndësishëm te klubi brazilian duke i ndihmuar që ta fitonte titullin dhe Kupën e Brazilit, me pesë gola të realizuar në 19 paraqitje.
(Foto: Instagram/diego.costa)
Ai tash mund të rikthehet në Spanjë te Vallecano, skuadër me të cilën Unitedi përballet të dielën në një ndeshje miqësore.
Costa e njeh mirë klubin e La Ligas, ku ka luajtur si huazim në vitin 2012. Për herë të fundit në Spanjë, sulmuesi ka luajtur në vitin 2020 kur ishte rikthyer te Atletico Madridi. /Telegrafi/
