Viktima e dhunës seksuale u ballafaqua sërish në seancë gjyqësore me kriminelin serb, Zoran Vukotiq. Ky u fundit, u dënua për herë të dytë nga Gjykata Themelore në Prishtinë me 10 vjet burg, i akuzuar për kryerjen e krimit të dhunës seksuale gjatë luftës së fundit në Kosovë.
E vërteta e të mbijetuarës, e cila është rreth të pesëdhjetave triumfoi sërish para trupit gjykues. Ajo flet për KosovaPress ekskluzivisht pas shpalljes së këtij vendimi, ku thekson se nuk është e kënaqur me dënimin. Në kushte anonimiteti, ajo u bën thirrje të gjitha grave e burrave që të kërkojnë drejtësi për krimin me të cilin u përballën dhe vuajtjet që ua shkaktuan për tërë jetën.
Dënimi për Zoran Vukotiq, është rasti i parë që dikush dënohet për dhunim seksual në Kosovë, nga gjykatat vendore.
B.K, e cila është emër i njohur për redaksinë, ishte shtatzënë tremuajshe, në kohën kur u dhunua seksualisht. Pas krimit të përjetuar, ajo humbi dy fëmijët që po i priste të vinin në jetë.
Në intervistë ajo deklaron se nuk është e kënaqur me dënimin prej dhjetë vitesh, pasi është i ulët.
“Jo, nuk jam e kënaqur me dënimin të cilin ai e ka marrë. Ama, e kënaqur jam sido që të jetë, ta sheh gjithë bota se krimi ka ndodhur në Kosovë. Krimi nuk mund të zhduket aq lehtë. Më vjen keq për shumë motra, nëna tona që kanë rastin e njëjtë edhe nuk e kanë rastin si të temin të kërkojnë drejtësi”, thotë ajo.
Megjithatë, u bën thirrje të gjitha grave e burrave që u dhunuan seksualisht gjatë luftës, të kërkojnë drejtësi.
“Kisha bërë apel edhe tek ato motra, nëna tonat që të kërkojnë drejtësi deri në momentin e fundit, derisa të fitojnë ata se patjetër me drejtësi gjithçka arrihet”.
Me dënimin prej dhjetë vjetësh nuk po shprehet e kënaqur as drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti e cila e shoqëroi të mbijetuarën në seancën e sotme gjyqësore.
“Sot, Gjykata Themelore e Prishtinës edhe një herë e vuri në pah krimet e dhunës gjatë luftës duke dënuar Zoran Vukotiqin me 10 vjet. Gjykim ky i rikonfirmuar tashmë nga Gjykata Themelore që mendoj që është njëra nga vendimet më të rëndësishme, sa i përket krimeve të dhunës seksuale gjatë luftës pasi deri kë sot, fatkeqësisht nuk kemi pasur as edhe një kriminel të vetëm prapa grilave për këtë krim. Natyrisht që 10 vjet janë pak për krim të tillë, aq më shumë kur dëshmitarët ka pasur lëndime shpirtërore, trupore, ka humbur dy fëmijë nga ky krim i tillë”, deklaron Rushiti.
Megjithatë, Rushiti thotë se fakti që Vukotiq ndodhet prapa grilave është shpresë për të gjitha gratë dhe burrat të cilët tash e më shumë se dy dekada luten për drejtësi. Ajo bën të ditur se do të apelojnë këtë vendim.
“Ne bashkërisht me Prokurorinë Speciale për Krime Lufte do ta apelojmë, sepse nuk jemi të kënaqur me jetëgjatësinë e dënimit, pra me 10 vjet. Shpresojmë shumë që Gjykata e Apelit tani të merr një vendim meritor dhe ky dënim të zgjatet, ashtu siç e meriton sepse rrethanat e kryerësit të krimit, dëmtimet që i janë shkaktuar dëshmitares në fjalë janë dëmtime të pariparueshme ka humbje njerëzore. Ka qenë nënë shtatzënë me dy binekë të cilët për shkak të dhunimit i ka humbur dhe pasojat psikologjike, shpirtërore ende janë pjesë e plagëve që ajo grua i bart tash e 23 vjet”, shton ajo.
Drejtoresha e QKRMT-së ka ftuar të gjitha gratë dhe burrat, të cilët kanë mbijetuar nga ky krim seksuale, që të insistojnë për drejtësinë e tyre.
Në korrik të vitit të kaluar, Zoran Vukotiq ishte dënuar nga Gjykata Themelore në Prishtinë me dhjetë vjet burgim. Pas ankesës në Gjykatën e Apelit, rasti ishte kthyer në rigjykim, por sërish gjykata e ka shpallur fajtor për krimin e dhunës seksuale gjatë luftës ndaj viktimës shqiptare.
Rreth 20 mijë gra e burra janë dhunuar seksualisht gjatë luftës së fundit në Kosovë nga kriminelët serbë.
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën