Takimi i së martës ndërmjet presidentit amerikan, Donald Trump dhe udhëheqësit të Koresë së Veriut, Kim Jong-un ishte plot me lëvdata nga të dyja palët, të cilët deri vonë kishin qenë shumë afër një lufte.
Ndonëse u vlerësua si një takim i suksesshëm, ende nuk mund të thuhet me plot bindje, pasi që pritet nëse palët, sidomos Koreja e Veriut do të mbajë premtimin e dhënë për denuklearizim.
Gjithsesi, pasi takimi është vlerësuar i suksesshëm, jep shpresë se edhe gjërat do të shkojnë mirë.
Por edhe nëse ndodh e kundërta, përcjell Telegrafi, nuk do të ishte rasti i parë, pasi që edhe në disa takime të tjera – edhe pse shumica të suksesshme - ka pasur raste kur jo të gjithë kishin "një fund të lumtur".
Kim dhe Trump
Presidenti i SHBA-ve, Donald Trump dhe udhëheqësi i Koresë së Veriut, Kim Jong-un, më në fund shtrënguan duart, por një shtrëngim duarsh nuk do të thotë gjithmonë arritje e rezultateve.
Kim dhe Moon
Në një duarshtrëngim tjetër, aktori kryesor gjithshtu ishte Kim Jong-un, kur u takua me Presidentin e Koresë së Jugut, Moon Jae-in, disa muaj më parë.
Obama dhe Castro
Ish-presidenti amerikan Barack Obama dhe ai i Kubës, Raul Castro shtrënguan duart si një piketë në marrëdhëniet mes dy vendeve. Megjithatë, me ardhjen e Donald Trump, “Kuba u kthye në izolim”.
Mbretëresha Elizabeth dhe Martin McGuinness
Mbretëresha britanike po shtrëngonte duart me një ish-anëtar të IRA-s. Gruaja fisnike qeshi me ngrohtësi ndërsa ia dha dorën Martin McGuinnessit – dhe kjo zgjati vetëm për pak kohë. IRA vrau një nga kushërinjtë e Elizabetës.
Blair dhe Gaddafi
Ish-kryeministri britanik Tony Blair ka nxitur polemika publike kur ai përshëndeti përzemërsisht udhëheqësin libian Muammar Gaddafi në vitin 2004.
Nikson dhe Mao
Ish-presidenti amerikan Richard Nixon thyen pengesën kur ai i zgjat dorën presidentit të atëhershëm të Kinës, Mao Zedong - në vitin 1972.
Sadat dhe Carter
Marrëveshja e paqes egjiptiano-izraelite u nënshkrua në vitin 1979, por presidenti egjiptian u vra vetëm dy vjet më vonë.
Rabin dhe Arafat
Kryeministri izraelit Yitzhak Rabin bëri të njëjtën gjë më 1995 pasi ra dakord për një marrëveshje paqeje me udhëheqësin palestinez Jasser Arafat.
Regan dhe Gorbaçov
Ronald Regan dhe Mihail Gorbaçov mbajtën një takim në vitin 1985 dhe kthyen shpresën se një luftë e ftohtë e gjatë mund të përfundojë.
Astronautët amerikanë dhe sovjetikë
Megjithatë, një shtrëngim duarsh midis SHBA-ve dhe BRSS-së ka mbetur i mbajtur në mend si një “fenomen jashtëtokësor”.
Astronautët e dy superfuqive u takuan në hapësirë në vitin 1975. Aleksei Leonov përshëndeti Tomas Staford diku në qiell mbi Gjermaninë Perëndimore. /Telegrafi/
