Dhembja e kokës është një ndër përvojat më të shpeshta dhe të pakëndshme gjatë shtatzënisë
Mund të shfaqen gjatë gjithë shtatzënisë, mirëpo më së shpeshti në tremujorin e parë dhe të tretë, transmeton Telegrafi.
Dhembja e kokës gjatë tremujorit të parë
Trupin tuaj e vërshojnë hormonet dhe rritet sasia e gjakut. Këto dy ndryshime intensive mund të nxisin dhembje të shpeshta koke të cilat edhe më shumë e shtojnë stresin, qëndrimin e keq apo problemet me shikimin.
Ekzistojnë edhe shkaktarë të tjerë të shpeshtë të dhembjes së kokës të cilat ndikojnë veç e veç apo të bashkuara, – ato janë:
– mungesa e gjumit;
– niveli i ulët i sheqerit në gjak;
– dehidratimi
– ndërprerja e konsumimit të kafeinës;
– stresi.
Dhembja e kokës gjatë tremujorit të tretë
Dhembja e kokës në këtë periudhë më së shpeshti është e lidhur me qëndrimin e keq të trupit, i cili është i ngarkuar me peshën shtesë.
Në tremujorin e tretë të shtatzënisë dhembja e kokës gjithashtu mund të shkaktojë preeklampsinë, gjendje kur shtatzëna ka shtypje të lartë të gjakut.
Migrena
Femrave, të cilat zakonisht kanë migrenë, mund t’u ndodhë që gjatë shtatzënisë të kenë më pak sulme apo të mos kenë fare. Mirëpo, mund të ndodhë edhe që ndryshimet hormonale të nxisin edhe më shumë sulme.
Nëse keni migrenë, është shumë me rëndësi që t’i tregoni mjekut, në mënyrë që t’ju përcaktojë terapinë përkatëse.
Mënyra më e mirë, natyrisht, është preventiva, përkatësisht do të duhej që:
– të bëni ushtrime të lehta për forcim të shpinës dhe qëndrim të drejtë;
– sa më shumë pushoni dhe qetësohuni;
– hani racione të shëndetshme dhe të balancuara;
– këndelluni;
– përdorni kompresa të ftohta apo të nxehta
Merrni medikamente
Nëse nuk keni mundësi që në këtë mënyrë të bëni preventivë të dhembjes së kokës, ekzistojnë edhe mënyra të tjera që të liroheni nga dhembja, – ato janë medikamentet.
Nëse detyroheni të përdorni medikamente, atëherë ato patjetër duhet të kenë bazë natyrale.
Ilaçet siç janë aspirina dhe ibubrufeni në shumicën e rasteve nuk rekomandohen, derisa paracetamoli kryesisht lejohet nën kujdesin e mjekëve.
Dhembjen e kokës mund ta zbusni edhe në këto mënyra natyrale:
– dhembjet sinusale mund të zbusni me kompresë të ngrohtë e cila vihet në sy dhe në hundë;
– tensionet e dhembjes së kokës zbuten me kompresë të ftohtë e cila vendoset në qafë;
– me mbajtjen e nivelit të sheqerit në gjak dhe me konsumimin e racioneve të shpeshta por të vogla;
– me masazhin e qafës dhe të supeve;
– me shtrirje në hapësira të errëta dhe me frymëmarrje të thellë;
– me dush të ngrohtë.
Shkaktarët më të shpeshtë të migrenës të cilët duhet të shmangen janë:
– çokollata
– alkooli
– jogurti
– djathi i vjetër,
– kikirikët,
– buka nga thami i freskët,
– produktet e mishit,
– ajka.
Kur duhet patjetër të shkoni te mjeku?
Fatkeqësisht, dhembja e kokës është e zakonshme gjatë shtatzënisë, megjithatë, nëse nuk ju ndihmon asgjë nga ato që i përmendëm dhe nuk ndieni lehtësim, do të duhej të shkonit te mjeku, posaçërisht në këto raste:
– para marrjes së cilido medikament i cili nuk është paracetamol
– nëse nuk ndieni kurrfarë lehtësimi edhe pasi të keni provuar të gjitha këto që i përmendëm më lart,
– nëse dhembja e kokës përkeqësohet dhe bëhet më e shpeshtë
– nëse dhembja e kokës është ndryshe nga ato që i ndieni zakonisht
– nëse bashkë me dhembjen e kokës shfaqet edhe shikim i mjegulluar, papritur shtoni peshë trupore, dhembje në abdomenin e sipërm apo të epërm, ënjtje të duarve dhe fytyrës. /Telegrafi/
Lufta Prigozhin - Putin
Më shumëThonë se nuk ka grua më të bukur se ajo në planet: Bën seks katër herë në ditë
Kështu duhet ta joshni një mashkull në takimin e parë!
Përse flokët e gjatë nuk janë për gratë më të moshuara
Në prill, nuancat e pazakonta të flokëve janë në trend! Dominojnë tri ngjyra, xhufkat dhe një model flokësh
Mosha gjatë së cilës fëmijët i shqetësojnë më së shumti prindërit
Si të mbrohemi nga rrezet e diellit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi