Dëshironi ta shijoni dhe ta mbani mend më shumë pushimin? Atëherë bëni më pak foto

Teknologjia nuk është gjithmonë e mirë për kujtesën tonë. P.sh., përdorimi i tepërt i aplikacioneve të navigacionit mund t’i ndryshojë aftësitë tona të navigimin.

Ndërkaq ngarkesa me informacione mund të na bëjë neve të harrojmë më shumë, transmeton Telegrafi.

Shumica prej nesh e trajtojmë ‘Google’-n si disk të jashtëm për informacione të cilat mund t’i kemi pasur dikur në kujtesën tonë. Të gjitha ato selfie dhe pamje piktoreske që i fotografojmë gjatë pushimeve mund të ndikojnë në mënyrën se si e mbajmë mend udhëtimin.

Një studim i ri i publikuar në revistën ‘Journal of Experimental Social Psychology’ e ka konstatuar pasi i ka studiuar qindra persona.

P.sh., në një udhëtim, 132 personave iu ishte kërkuar ta eksplorojnë një kishë në kampusin e Universitetit të Stanfordit dhe ose duhej t’i shkrepnin pesë fotografi për vete, t’i postonin ato në Facebook ose të mos bënin fare fotografi.

Një apo dy javë pas kësaj, ata iu ishin një testi të kujtesës për të parë çfarë detajesh kanë mbajtur në mend. Hulumtuesit kështu zbuluan se ata të cilët kishin shkrepur fotografi nuk kishin vërejtur shumë gjëra rreth kishës – qoftë nëse i kanë postuar ato apo jo në rrjete sociale.

Shkencëtarët theksojnë se fotografimi apo incizimi i përvojave mund t’i parandalojë njerëzit t’i mbajnë mend gjërat më të rëndësishme që janë duke u përpjekur t’i ruajnë.

Në fakt, ata e theksojnë edhe një gjë tjetër: rezultatet e tyre sugjerojnë se fotografimi apo incizimi i momenteve të ndryshme gjatë një udhëtimi me qëllim që të mbahen mend ato momente, mund t’i parandalojë njerëzit që edhe t’i përjetojnë mirë ato momente. /Telegrafi/