Deri në katër orë pritje për të dalë nga Merdarja, shkaktohen kolona edhe në pikëkalimet tjera kufitare

Bashkatdhetarët të cilët ia kanë mësyrë Kosovës këto ditë të verës, kanë bërë që të shkaktohen pritje dhe kolona të gjata në pikat kufitare të Kosovës – si në hyrje, po ashtu edhe në dalje.

Sipas njoftimit nga Qendra Kombëtare për Menaxhim Kufitar kolona të gjata deri në dy kilometa janë shkaktuar në dalje të Merdares, ndërsa në hyrje deri në gjysmë kilometri. Pritjet në këtë pikë në dalje janë deri në katër orë në dalje ndërsa në hyrje deri në dy orë, shkruan Telegrafi.

Po ashtu kolona të gjata janë shkaktuar edhe te Dheu i Bardhë deri në 200 metra në dalje ndërsa në hyrje deri në 100 metra. Pritjet tek kjo pikë në dalje janë deri në një orë ndërsa në hyrje deri në 20 minuta.

Ndërsa edhe në pikën kufitare Hani i Elezit janë shkaktuar kolona në dalje deri në 90 metra, kurse në hyrje deri në 70 metra. Pritjet në këtë pikë janë deri në 15 minuta.

Kurse në pikën kufitare Vërmicë, kolona deri ën 50 metra ka në dalje, pritjet janë deri në 10 minuta.

Në pikë-kalimet e tjera kufitare me shtetet fqinje qarkullimi zhvillohet normalisht dhe pa pritje të gjata.

Për të përcjellë në kohë reale gjendjen në pikë-kalimet kufitare qytetarët mund të informohen duke klikuar në web faqen e Qendrës Kombëtare për Menaxhim Kufitar./Telegrafi/