Deputeti i LVV-së ngre dyshime: “Blloku B2” është sabotazh që iu ka bërë Qeverisë Kurti

Shtohen deputetët e LVV-së që dyshojnë se dikush nga KEK-u po saboton Qeverinë Kurti.

Deputeti i Lëvizjes Vetëvendosje, Halil Thaçi ka thënë se në vitin 2003 ka filluar të dëmtohet KEK-u.

Aliu gjatë fjalës së tij në Kuvendin e Kosovës thotë se “Blloku B2” është një sabotazh që i është bërë Qeverisë Kurti.

“Këta deputetë që sot po qajnë me lot krokodili fort mirë e dinë se i kanë, edhe sot e tutje vazhdojnë me i pas në menaxhmentin e KEK-ut njerëzit e tyre të politikës të emëruar pa konkurse por të politikës që edhe sot po e sabotojnë KEK-un. Jam shumë i bindur që ‘Blloku B2’ është një sabotazh, është sabotazh që iu ka bërë Qeverisë. Shumë i bindur jam zotëri. Do të dalin faktet për këtë punë. Ky sabotazh po mundohet t’i bëhet Qeverisë, një ministreshe të suksesshme dhe një drejtori të suksesshëm i cili është i vetëm në menaxhmentin e KEK-ut që është i pa korruptuar”, ka thënë Thaçi.

Thaçi thotë se sot mosha mesatare e punëtorëve të KEK-ut është 58-vjeç.

“Ju nuk keni pranuar punëtorë të rinj vetëm që të hapni tenderë për firmat tuaja”.

Deputeti i LVV-së është i bindur se me këtë Qeveri dhe ministren aktuale KEK-un e presin ditë të mira.

Ditë më parë përmes një postimi në Facebook edhe deputeti tjetër i LVV-së Mefail Bajqinovci kishte ngritur dyshime se dikush nga KEK-u po e santazhon Qeverinë me ndërprerjet e rrymës./Telegrafi/