Dënohet dhuna ndaj punonjësve të medias

Gazetarë dhe punonjës të medias në Maqedoni reagojnë pas protestave të mbrëmshme gjatë të cilëve u lënduan një gazetar dhe një fotoreporter, transmeton Telegrafi Maqedoni.

„Në situatë kur nuk janë zbardhur dhjetëra sulme ndaj ekipeve gazetareske, ndërsa kryerësit nuk janë gjetur, ngjarjet e mbrëmshme edhe njëherë e konfirmuan që gazetaria në këtë vend ka trajtim të veprimtarisë armiqësore dhe se gazetarët, kameramanët dhe fotoreporterët janë cak i lehtë për  dhunuesit, pa marrë parasysh nëse ata janë në uniformë ose jo“ – thonë nga sindikata kompetente.

Paralajmërojnë që do ti rishqyrtojnë mundësitë për ngritje të padisë penale kundër kryerësit të panjohur nga Njësia për ndërhyrje të shpejtë dhe të denoncimit deri te kontrolli i brendshëm i MPB.

Vjen reagimi edhe nga Agjencia për shërbime audio dhe audio-vizuale. Është dënuar dhuna ndaj gazetarëve, sepse kjo paraqet sulm ndaj lirisë së mediave.

Agjencia i fton të gjithë të përfshirët ti lënë punonjësit e medias që në mënyrë të papenguar ta kryejnë punën e tyre, ndërsa mediumet i fton që gjatë raportimit ti respektojnë parimet dhe standardet gazetareske./Telegrafi/