Dënimi nga UEFA mund t’i kushtojë shtrenjtë Cityt, titulli i 2014-tës mund t’i jepet Liverpoolit

Kampionit aktual anglez, Manchester Cityt mund të hiqet titulli i tyre i fituar në sezonit 2013/14 në Ligën Premier.

City është dënuar me dy vite mos-prezencë në Ligën e Kampionëve nga UEFA për shkak të “shkeljeve serioze” të rregullave financiare.

Klubi anglez ka apeluar kundër vendimit në Gjykatën e Arbitrazhit për Sport, por nëse dënimi konfirmohet, atëherë ka të ngjarë që edhe Liga Premier do të hetojë edhe marrëdhëniet e tyre të së kaluarës.

Lexo po ashtu Klopp: U trondita nga dënimi i Cityt, zemërohem për Guardiolan dhe lojtarët

Sipas mediumit të njohur Daily Mail, një komision mund të heqë pikët në mënyrë retrospektive, domethënë që titulli i tyre i vitit 2014 mund të jetë në rrezik.

City fitoi ligën në sezonin 2013/2014 në një nga garat më të afërta në vitet e fundit, duke përfunduar me 86 pikë – vetëm dy më shumë se Liverpooli i dyti.

UEFA ka deklaruar se periudha midis viteve 2012-2016 ishte kur City mbivlerësoi të ardhurat e tyre nga sponsorizimi.

Kjo do të thotë se në teori fitorja e titullit të vitit 2014 mund t’i hiqej atyre dhe t’i jepej Liverpoolit në mënyrë retrospektive. /Telegrafi/