Demiral pritet të mbetet te Atalanta, zhvillime të reja mes klubeve

Ndryshon situata te Atalanta, pasi tani klub bergamas dëshiron ta blejë mbrojtësin turk Merih Demiral nga Juventusi për 23 milionë euro.

Mbrojtësi e kaloi këtë sezon si huazim në Bergamo dhe në fillim u mendua se ai do të mbetej në klub.

Megjithatë, Atalanta dështoi për t’u kualifikuar në Evropë, duke bërë që blerja mbrojtësit të ishte në pikëpyetje.

Situata ndryshoi sot me një tjetër takim mes klubeve, kështu që Sky Sport Italia, Sportitalia, Calciomercato.com dhe më shumë janë të bindur se Atalanta tani ka vendosur të aktivizojë opsionin e tyre për të blerë.

Kjo është pozitive për të gjithë të interesuarit, pasi Juventusi mund të marrë një tarifë të vlefshme transferimi prej 23 milionë euro, ndërsa Demiral mund të vazhdojë këtë verë te Atalanta.

Atalanta are now prepared to trigger the buy option for Merih Demiral for bit more than €20m – he’d join on a permanent deal from Juventus. 🇹🇷 #transfers

Atalanta are changing their plans and now planning to sign Demiral.

— Fabrizio Romano (@FabrizioRomano) June 17, 2022

Bianconerët nuk e kishin ndërmend të mbanin qendërmbrojtësin turk, ku mendohej një shitje në Ligën Premier me klube si Chelsea, Manchester United dhe Tottenham që ishin të interesuara.

Këtë sezon Demial bëri 42 paraqitje për Atalantën, duke shënuar dy gola me tre asistime. /Telegrafi/