Delawie: Çelësi i së ardhmes së Kosovës, në duart e qytetarëve dhe udhëheqësve të saj

Ambasadori në largim i Shteteve të Bashkuara në Kosovë, Greg Delawie, përmes një postimi në Twitter ka thënë se çelësi i së ardhmes së Kosovës është në duart e qytetarëve dhe udhëheqësve të saj.

“Unë po lë çelësin e llogarisë sime të Twitter-it në duart e afta të së ngarkuarës me punë, Colleen Hyland. Dhe, sigurisht, çelësi i së ardhmes së Kosovës është në duart e qytetarëve dhe udhëheqësve të saj – mezi pres që të shoh të ardhmen e ndritur që ju të gjithë krijoni. Faleminderit dhe lamtumirë”, ka shkruar Delawie në Twitter.

Delawie ka shërbyer në Kosovë qysh në vitin 2015.

Në muajin korrik, Shtëpia e Bardhë ka njoftuar për emërimin e diplomatit Philip S. Kosnett nga Virxhinia si ambasador të Shteteve të Bashkuara të Amerikës në Republikën e Kosovës. /Telegrafi/

I’m leaving the key to my twitter account in the capable hands of Chargé d'Affaires Colleen Hyland. And, of course, the key to #Kosovo’s future is in the hands of its citizens and leaders—I look forward to seeing the bright future you all create. Thank you and farewell. pic.twitter.com/vEF04Qihb9

— Amb. Greg Delawie (@USAmbKosovo) September 26, 2018