Sport Futboll Ndërkombëtare

Del fotoja e parë e gjyqtarit të rrahur nga spitali: Edhe Erdogani i telefonoi, kishte vetëm një dëshirë

Para 1 viti

Ministri i Brendshëm i Turqisë, Ali Yerlikaya, ka folur për hetimin pasi ka vizituar në spital gjyqtarin e rrahur turk, Halil Umut Meler, i cili ka pasur rastin të bisedojë në telefon me presidentin e Turqisë, Recep Tayyip Erdogan.

Nga ana tjetër, kryemjeku i spitalit ku mjekohej Meler dha të dhëna për gjendjen e gjyqtarit të sulmuar. Përveç kësaj, është publikuar edhe fotografia e parë e Halil Umut Melerit nga spitali dhe Presidenti Erdogan e ka telefonuar atë me telefon dhe i ka uruar shërim të shpejtë.

“Ajo që ndodhi mbrëmë pas ndeshjes Ankaragucu – Caykur Rizespor është vërtet një trishtim i madh për ne, për vendin tonë, për komunitetin tonë të futbollit. Ne dënojmë të gjitha format e dhunës. Dhuna ndaj gjyqtarit tonë Halil Umut Meler pas ndeshjes shkaktoi një reagim nga të gjithë ne. E dënoj ashpër”.

“Ministria jonë e Drejtësisë, Ministria e Punëve të Brendshme dhe Drejtoria e Policisë morën me shpejtësi veprimet e nevojshme. Ne i dimë rezultatet. Ju e dini vendimin e gjykatës”.

“Sapo vizitova gjyqtarin tonë të nderuar. I përcolla urimet e mia për një shërim të shpejtë. Presidenti ynë i respektuar, Recep Tayyip Erdoaan, foli në telefon edhe me Halil Umut Melerin teksa ishim brenda. Ai shprehu dëshirën që të shërohet sa më shpejt. Dëshira ime është bashkë me kombin tonë të dashur që të mos ketë dhunë në sport”.

“Pse e luajmë këtë sport? E themi sepse bëhet fjalë për heroizëm, sport, miqësi, paqe, vëllazëri… Pse themi Fair-Play? Kur nuk na pëlqen një vendim, a nuk duhet të jetë diçka tjetër? A e meritojmë të shohim pamje të tilla në futboll, të cilat i shikojmë si familje nga shtatë deri në shtatëdhjetë? Ne nuk e dimë. Çështja tani është në gjykatë, ky proces vazhdon dhe do të shohim se si do të zhvillohet gjithçka gjatë procesit gjyqësor. Ne besojmë në drejtësi”, ka thënë Yerlikaya.

Cumhurbaşkanı Recep Tayyip Erdoğan, Halil Umut Meler ile telefonda görüşerek geçmiş olsun dileklerini iletti.pic.twitter.com/AA48eARLCZ

— Sporx (@sporx) December 12, 2023

Kryemjeku i spitalit, Mehmet Yorubuluta, konfirmoi se gjakderdhja në syrin e majtë të gjyqtarit të rrahur është duke u zvogëluar dhe se nuk ka dëmtime në tru dhe me shumë mundësi ai do të dalë nesër në mëngjes nga spitali.

Sipas gazetës turke Fanatik, gjyqtari Meler ka bërë të ditur se nuk do të gjykojë më pas kësaj ngjarje. Vendimin e tij radikal, Meler ua njoftoi të afërmve të tij që erdhën për ta vizituar në spital.

Doli se edhe Meler përjetoi ndjesinë më unike në botë 15 ditë më parë dhe u bë baba për herë të dytë. Gjithashtu thuhet se në një moment ai ka kërkuar që zyrtarët e spitalit ta transferojnë me ambulancë në Izmir, për të parë foshnjën e tij të porsalindur.

Kujtojmë se presidenti i Ankaragucu, Faruk Koc, ka hyrë në fushë dhe ka goditur gjyqtarin Halil Umut Meler, i cili ka mbetur në tokë me një plagë të dukshme nën sy.

Në fund, Meler u diagnostikua me një thyerje të mollëzës dhe po trajtohet në një spital nën mbikëqyrjen e forcave të sigurisë së policisë dhe Federata Turke e Futbollit njoftoi pezullimin e kampionatit për një periudhë të pacaktuar. /Telegrafi/