Deklarohet para gjykate “tifozi i maskuar” – i pari që sulmoi lojtarët e Fenerbahces

Ka shkuar në pesë numri i tifozëve të arrestuar në incidentet pas ndeshjes Trabzonspor-Fenerbahce të zhvilluar në Trabzon të dielën, më 17 mars, në javën e 30-të të Superligës së Turqisë.

Pas ndeshjes së zhvilluar mes Trabzonsporit dhe Fenerbahçes të dielën, më 17 mars , e cila rezultoi në fitoren e skuadrës verdhe-blu me rezultat 3-2, tifozët e shumtë të kaltërve u futën në fushë teksa skuadra mysafire po festonte fitoren në fushë.

Gjatë incidenteve, pas ndeshjes u ndaluan 12 tifozë që sulmuan futbollistët e Fenerbahçes dhe u identifikuan përmes regjistrimeve të kamerave.

Mes tifozëve të arrestuar, Hasan Çetinkaya, i cili tërhoqi vëmendjen me paraqitjen e tij të maskuar si i pari që u hodh në fushë, sulmoi portierin e Fenerbahces, Dominic Livakovic, dhe Engin Taskın, i cili sulmoi lojtarin verdhe-blu, Mert Muldur.

Gjithsej 13 tifozë të ndaluar janë dërguar para trupit gjykues sot (20 mars), pas dy ditësh marrje në pyetje.

Lexo po ashtu Batshuayi në stilin "kung-fu" shqelmon tifozin kundërshtar, bashkëlojtari i tij me grushte një tjetrit

Në deklaratën e parë të sulmuesit të maskuar 20-vjeçar, ai tha: “Unë jetoj në Gjermani. Kam ardhur në Trabzon për ndeshjen. Nuk arrita të kontrolloja veten për asnjë moment nga veprimet provokuese të lojtarëve të skuadrës kundërshtare. Hyra në fushë. Vrapova drejt futbollistëve. Qëllimi im ishte t’u thoja të shkonin në dhomat e zhveshjes. Pastaj, kur i pashë që vraponin drejt meje, bëra veprime për t’u mbrojtur. Por, unë nuk godita askënd. Më goditën nga ana tjetër dhe rashë në tokë. Më kanë goditur edhe me shkelma teksa isha në tokë. Më vjen keq që hyra në fushë”, ka deklaruar ai.

Është duke vazhduar aktualisht gjykimi ndaj tre tifozëve, ndërsa pritet shumë shpejtë të merret vendimi për ta. /Telegrafi/