Dashuria e madhe për Barcelonën, Busquets do të pranonte ulje të madhe të pagës

Sergio Busquets vazhdon të mendojë për të ardhmen e tij. Kapiteni i Barcelonës po bisedon për ofertën që ka në tavolinë dhe drejtuesit sportiv kërkojnë të ketë një përgjigje sa më shpejt për të planifikuar sezonin e ardhshëm.

Pozicioni i Busquets është kyç pasi ai nuk ka zëvendësues natyral në skuadër, kështu që nëse ai nuk vazhdon, klubi është i detyruar të kërkojë përforcime.

Ka disa faktorë që hyjnë në lojë për Busquets për të marrë vendimin e tij. Njëri prej tyre është thjesht ekonomik.

Lexo po ashtu Busquets refuzon ofertën ‘marramendëse’ nga Al Nassr

Oferta që i ka bërë Barcelona përfaqëson një ulje shumë të ndjeshme në krahasim me atë që ai fiton aktualisht.

Klubi do t’i paguajë atij shtatë milionë bruto në sezon, që do të thotë vetëm një e treta e asaj që kapiteni fiton aktualisht.

Zbritje të konsiderueshme

Nuk është e lehtë të pranosh një ulje të këtij lloji, megjithëse Busquets është plotësisht i vetëdijshëm për situatën e rëndë financiare të klubit.

Ka shumë probleme me Fair Play Financiar dhe pak vend për të shpenzuar.

Pastaj është çështja emocionale. Xavi nuk ndalet së insistuari që të qëndrojë edhe një vit. Ai ka besim absolut në atë që ishte partneri i tij dhe e di që nuk ka pjesë të mëdha rezervë në treg për momentin.

Dhe nuk mund të përjashtohet që nëse ai vazhdon në klubin e Barçës, ai mund të luajë sërish me Messin, një opsion që po merr formë me kalimin e kohës. Dhe ribashkimi me Messin josh gjithmonë. /Telegrafi/