Cristiano Ronaldo tregon këmbën e gjakosur pas përfundimit të ndeshjes ndaj Evertonit, zbulon shenjën e tmerrshme

Cristiano Ronaldo tregoi këmbën e tij të gjakosur dhe të lënduar pas përfundimit të ndeshjen në humbjen e Manchester Unitedit ndaj Evertonit.

Ronaldo dështoi të lërë përshtypje në kthimin e tij në formacionin titullar pasi skuadra e tij humbi 1-0 në Goodison Park të shtunën pasdite.

Por, duket se ai ishte ‘cak’ i disa ndërhyrjeve, të cilat ia ‘pamundësuan’ lojën në nivelin e tij, pasi këmba e tij ishte e gjakosur me një shenj të theksuar.

37-vjeçari rrokullisi çorapet e tij dhe zbuloi shenjën e tmerrshme në këmbën e tij të majtë pas vërshëllimës së fundit të gjyqtarit.

Ai tregoi këmbën e tij qëllimshëm ndërsa po shkonte në drejtim të zhveshtoreve pasi përfundimit të takimit.

Megjithatë, kur imazhi i këmbës së Ronaldos u shfaq në mediat sociale, ai nuk mori asnjë simpati nga tifozët e Man United në internet.

“Ky nuk do të jetë një justifikim apo jo?”, shkroi një tifoz në Twitter, ndërsa një tjetër ironizoi me postim duke shkruar: “Ua disa gërvishtje, a do të mbijetojë?”.

Humbjet e fundit të Unitedit i lënë ata të ngecin në vendin e shtatë në tabelë dhe duket se do të humbasin kualifikimin në Ligën e Kampionëve. /Telegrafi/

Cristiano Ronaldo’s leg ? pic.twitter.com/abPxSw9t2B

— utdreport (@utdreport) April 9, 2022