Cristiano Ronaldo, përballë makthit më të keq të karrierës së tij

Cristiano Ronaldo nuk e ka pasur të lehtë dhe është gati të mbyllë një nga sezonet e tij më të këqija, pavarësisht se është golashënuesi më i mirë i Manchester United këtë sezon me 24 gola në 37 paraqitje.

Por pavarësisht kësaj, ylli portugez dhe Manchester United janë jashtë Ligës së Kampionëve për sezonin e ardhshëm, madje mund të jenë edhe jashtë Ligës së Evropës, pasi West Ham ka dy ndeshje më pak dhe është gjashtë pikë prapa Djajve të Kuq.

Ata janë në vendin e gjashtë në Ligën Premier me 58 pikë, katër pikë pas Tottenhamit, por skuadra londineze ka dy ndeshje më pak dhe skuadra e Mançesterit do të vizitojë vetëm Crystal Palace.

View this post on Instagram

A post shared by Telegrafi Sport (@telegrafisport)

Prandaj, për të luajtur në Ligën e Evropës do të duhet ta fitojnë atë ndeshje dhe të shpresojnë që Ëest Ham të mos fitojnë të gjitha ndeshjet.

Cristiano nuk e ka humbur kurrë Ligën e Kampionëve

Që kur bëri debutimin e tij me klubin portugez Sporting CP në sezonin 2002-03, Cristiano Ronaldo ka luajtur gjithmonë në Ligën e Kampiovëve.

Edhe në atë sezonin e parë si lojtar i ekipit të të rinjve të Sportingut, CR7 luajti një ndeshje të raundit të tretë kualifikues me Luanët kundër Interit, megjithëse ata nuk arritën të kualifikoheshin, duke vazhduar të luanin në UEFA Cup.

View this post on Instagram

A post shared by Cristiano Ronaldo (@cristiano)

E ardhmja e Cristianos

Portugezi tani do të duhet të vendosë për të ardhmen e tij, pasi nuk i ka munguar asnjëherë në garën më të mirë në Evropë. Për ta luajtur, ai do të duhet të largohet nga klubi anglez dhe të kërkojë horizonte të reja.

Thashethemet e çojnë te PSG, edhe pse sipas The Telegraph, portugezi nuk mendon të largohet nga Liga Premier sezonin e ardhshëm. /Telegrafi/