Trajneri i Interit, Antonio Conte, ka kohë që është ankuar për mungesën e lojtarëve pasi kalendari i ndeshjeve është shumë i ngjeshur.
Lidhur me kërkesat e trajnerit, administratori i deleguar, Beppe Marotta, deklaroi se do të përpiqet që në afatin e janarit të afrojë disa lojtarë.
Por para se të afrojnë lojtarë, atëherë disa prej atyre aktualë mund të largohen. Sipas medieve italiane, të parët në listën e largimeve janë Valentino Lazaro, Borja Valero dhe Matteo Politano.
Nicolo Barella, Matteo Politano dhe Valentino Lazaro. (Photo by Emilio Andreoli/Getty Images)
Austriaku u afrua në verë, por deri tani nuk ka bindur aspak, ndërsa Borja Valero nuk preferohet aq shumë nga Conte.
Në anën tjetër që Politano vuan mospërshtatjen në skemat e trajnerit, pasi Conte nuk luan me sulmues të krahëve, por vetëm me dy në qendër.
Borja Valero. (Foto: Fred Lee/Getty Images)
Të tre lojtarët kanë shumë pak kohë për ta bindur trajnerin në mënyrë që të vijojnë të jenë pjesë e Interit dhe me gjasë në dimër do të largohen. /Telegrafi/
