Conte: Për tetë vite askush nuk e ka rivalizuar Juventusin për titull, Interi do ta bëjë

Antonio Conte ka zbuluar arsyet se përse vendosi të angazhohej si trajner te Interi dhe për ambiciet që ka me klubin italian.

Ish-strategu i Chelseat ka thënë se ai dëshiron që të fitojë tituj me nerazurët dhe ta rivalizojë Juventusin në Serie A, pasi për tetë vite nuk ka mundur askush ta bëjë këtë gjë.

“Inter për tituj? Kam ardhur këtu për të fituar trofe dhe klubi pret shumë nga unë. Lojtarët janë të gatshëm të punojnë për sezonin e ri dhe tifozët treguan një entuziazëm të madh”, ka thënë fillimisht Conte.

“Marotta? Ai më ka ndihmuar mu. Ishte një besim që kemi ndërtuar ndër vite për njëri-tjetrin, andaj kjo ishte e lehtë për mua. Marotta është një drejtor që ka fituar shumë”.

Lexo po ashtu Skriniar: Me Conten do të sfidojmë për titull

“Le të përballemi me realitetin, ka tetë vite që nuk ka pasur garë për titull në Serie A. Interi dëshiron ta ndryshoj këtë dhe të futet seriozisht në garë për titull”.

“Zhag? Nuk ishte vetëm Marotta që më bindi të vija këtu. Kam biseduar me presidentin Zhag, u binda menjëherë nga projekti i tij, andaj dua ta shpërblej besimin me trofe”, ka shtuar më tej Conte. /Telegrafi/