Conte pas fitores ndaj Milanit: Napoli nuk fshihet nga ambiciet për Scudetto

Antonio Conte pranon se Napoli mund të shkojë për Scudetton këtë sezon, edhe nëse do të ishte ‘një mrekulli’ pavarësisht fitores së tyre 2-0 në udhëtim te Milani.

Napoli vazhdoi ecurinë e tyre të jashtëzakonshme të formës, duke fituar nëntë nga 10 ndeshjet e fundit konkurruese dhe duke barazuar një.

Më e rëndësishmja, ata pësuan vetëm dy gola në atë seri dhe shënuan 23 mes Serie A dhe Coppa Italia.

Lukaku e theu ngërçin pothuajse menjëherë në San Siro mbrëmjen e së martës, përpara se Khvicha Kvaratskhelia të shënonte një gol të bukur nga distanca.

⏹️ Full time: #MilanNapoli 0-2 💪

💙 #ForzaNapoliSempre pic.twitter.com/OfXZPwT46n

— Official SSC Napoli (@sscnapoli) October 29, 2024

Duke marrë parasysh se ata janë larguar në krye të tabelës dhe kanë përfitimin e shtuar të mungesës së angazhimeve evropiane në mesjavë, a mundet Conte të vazhdojë të argumentojë se nuk janë favoritë për Scudetto?

“Askush nuk fshihet këtu. Thjesht shikojmë realisht atë që po bëjmë këtë vit, e cila pas 10 xhirosh është për mendimin tim e pabesueshme dhe as ëndrra më e çmendur nuk mund ta kishte parë këtë”, ka thënë fillimisht Conte për DAZN.

“Duhet t’i marrim ndeshjet një nga një. Unë kam shpatulla të gjera, e di që emri dhe karriera ime do të thotë që më jepet përgjegjësi që në fillim sepse kam arritur disa gjëra”.

Lasciatemi cantare perché ne sono fiero
Sono napoletano… 𝐍𝐀𝐏𝐎𝐋𝐄𝐓𝐀𝐍𝐎 𝐕𝐄𝐑𝐎!

💙 #ProudToBeNapoli pic.twitter.com/IjveCxeRDF

— Official SSC Napoli (@sscnapoli) October 29, 2024

“Çdo klub që fillon sezonin e di objektivin e tij, ne e dimë tonin dhe ai ishte rikthimi në Evropë, sepse Napoli ishte jashtë për herë të parë në 14 vite. Nëse mund të hyjmë nga dera e përparme, është edhe më mirë, por e dimë gjithashtu se pesë apo gjashtë klube kanë të njëjtat ambicie”.

“Mos harroni se sezonin e kaluar ky ekip ishte 41 pikë larg liderit. Ne nuk fshihemi, duam të ushqejmë ëndrrat e tifozëve të Napolit, por duke qenë se është një vend pasionant, duhet të mbajmë këmbët në tokë”, përfundoi trajneri italian. /Telegrafi/