Çmenduria Kim, 100 mijë dollarë për një dhomë kundër frikës dhe panikut (Foto)

Kim Kardashian assesi nuk po mund të ndihet mirë pas plaçkitjes që i është bërë në Paris.

Bukuroshja 35 vjeçare tash ka vendosur që në villën e saj 20 milionë dollarëshe të ndërtojë një dhomë speciale kundër panikut dhe frikës.

Ajo ka vendosur që të paguajë sigurimin më të fortë i cili u takon zyrtarëve të lartë qeverisës, teksa mjekun e saj e telefonon shumë shpesh, shkruan Telegrafi.

Sipas revistës InTouch, “dhoma e panikut” do të ketë një dhomë të madhe, një banjë dhe kamera. Do të jetë e ndërtuar që t’i mbijetojë zjarrit në mbi një mijë shkallë celsius dhe një tërmet të magnitudës 7.0 shkallë.

Lexo po ashtu Plaçkitja në rezidencën e Kim - pesë gjërat që ndodhën atë natë (Foto/Video)

Ndërtimi i kësaj dhome do të fillojë shumë shpejt, kurse çmimi i saj mund të kapërcejë 100 mijë dollarë, varësisht se sa siguri do të kërkojë Kim që të instalohet në të.

Sigurimi që po e vështron atë, ashtu sikurse fëmijët e saj North dhe Saint, është më i miri i cili mund të blihet me para në botë.

“Kanye ka angazhuar një kompani që mbron zyrtarë qeveritarë në vende në gjendje lufte”, ka thënë një mik i familjes për InTouch.

Po sipas këtyre burimeve pranë familjes, gjendja e Kim është më keq se sa që mund të jetë menduar.

Lexo po ashtu Rrëfimi i Kim për historinë e unazës së vjedhur! (Foto)

“Ajo nuk është mirë. Është më keq se sa mund të paramendoni. Ajo ka vuajtur nga disa sulme të panikës dhe refuzon të jetë e vetmuar. Kim ka pasur shpesh makthe dhe kujtime të ngjarjes së hidhur. Ajo është shumë nervoze. Ajo ndihet shumë e frikësuar, sidomos natën”, deklaroi ky burim.

Kim thuhet se po e ka të vështirë rehabilitimin pas ngjarjes në Paris, ku i është vjedhur një prej unazave më unike në botë dhe më të shtrenjta po ashtu.

Teksa Kim po mendon konstruktimin e dhomave të posaçme kundër frikës, Kanye West gjendet tejet i angazhuar në turneun e tij “Pablo”, i cili vetëm sa është zgjeruar me disa data të tjera /Telegrafi