LAJMI I FUNDIT:

Çka na tregon një CRP e lartë? Mikrobiologia Hajdari flet për rëndësinë e kësaj analize

Çka na tregon një CRP e lartë? Mikrobiologia Hajdari flet për rëndësinë e kësaj analize

Mikrobiologia Donjeta Pllana Hajdari në një podcast në Telegrafi.com ka folur për rëndësinë  e analizave, gjersa thekson se ka rekomandime të përgjithshme për teste që bëhen për të parë pasqyrën e përgjithshme të shëndetit, por sipas saj më mirë është që fillimisht qytetarët të drejtohen te mjekët familjarë.

Hajdari thekson se është mjeku familjar ai që më së miri e njeh pacientin.


“Unë besoj se të gjithë qytetarët, edhe ata që gëzojnë shëndet të plotë edhe ata që vuajnë nga ndonjë sëmundje kronike së pari duhet të drejtohen te mjeku familjar… mjeku familjar është ai që më së miri e njeh pacientin e vet dhe ata i drejtojnë për teste shtesë, pa marr parasysh a është laboratori bio-kimik apo laboratori mikrobiologjik ose fusha tjera diagnostike”, tha ajo.

E pas analizave të gjakut që bëhen, shpeshherë një CRP e lartë i alarmon të gjithë.

Por, a e dini se çfarë tregon një CRP e lartë?

Mikrobiologia bën të ditur se CRP është një shkurtesë e Proteinës C reaktive, është një substancë që prodhohet në mëlçi si përgjigje ndaj një situate ose gjendje inflamatore që ndodh në organizëm.

“Kjo tregon për një inflamacion që po ndodh… për shembull kur kemi raste të një infeksioni bakterial ose viral varësisht se çfarë patogjeni e ka shkaktuar atë gjendje…”, tha Hajdari.

Ajo sqaron se një CRP e lartë po ashtu mund të tregoj për një proces aktiv që ndodh në organizëm, për shembull kur kemi ndonjë artrit, sëmundje auto-imune apo proces tjetër.

“Është gjithmonë një analizë alarmante pak a shumë dhe shpesh herë janë mjekët që kërkojnë përsëritjen brenda një kohe nëse vlerësojnë se CRP është e lartë në mënyrë që të vërtetojnë se a ka përmirësim të gjendjes a ka lehtësim të gjendjes…”, tha Hajdari.

Sipas saj, CRP është një analizë që shpeshherë shkon me sendimentin e eritrociteve dhe këto dy parametra janë mjaft të rëndësishëm për të treguar gjendjen e organizmit në përgjithësi, sidomos inflacionin. /Telegrafi/

Në trend Lajme

Më shumë

"Kolla e keqe", infektologu Ramadani tregon tri fazat që kalon i infektuari

Mirjeta Hajzeraj
​Kush është shqiptarja që fshehu aksidentin me dy të vdekur në Kroaci

​Kush është shqiptarja që fshehu aksidentin me dy të vdekur në Kroaci

Kronika e Zezë
Liga Qytetare Shqiptaro-Amerikane dënon ashpër kërcënimin publik të Vuçiqit kundrejt shqiptarëve të Luginës

Liga Qytetare Shqiptaro-Amerikane dënon ashpër kërcënimin publik të Vuçiqit kundrejt shqiptarëve të Luginës

Lugina
Haradinaj kujton vëllain Enverin: Me plagë lufte në trup, i’u ndërpre jeta nga një dorë që donte të mbillte vëllavrasje

Haradinaj kujton vëllain Enverin: Me plagë lufte në trup, i’u ndërpre jeta nga një dorë që donte të mbillte vëllavrasje

Lajme

"Shkrumb e hi", pamje nga fabrika e mjedrës që u dogj në Podujevë

Kronika e Zezë
Përleshje me armë mes dy grupeve në Gjakovë – policia në kërkim të një personi

Përleshje me armë mes dy grupeve në Gjakovë – policia në kërkim të një personi

Kronika e Zezë
Kalo në kategori