Çka është lordoza lumbale e boshtit kurrizor dhe si shërohet

Lordoza lumbale e boshtit kurrizor është deformitet nga i cili boshti kurrizor në pjesën lumbale është shumë i shtrembëruar nga brenda

Ekziston lordoza lumbale e boshtit kurrizor dhe lordoza cervikale. Lordoza lumbale ka të bëjë me pjesën e poshtme të boshtit kurrizor (pjesa lumbale), ndërkaq ajo cervikale në pjesën e qafës.

Te njerëzit të cilët kanë lordozë lubale të boshtit kurrizor shtrembërimi është i dukshëm në pjesën e poshtme të shpinës, përkatësisht nëse shikohet personi nga profili nga ana e prapme, barku është i nxjerrë jashtë.

Lordoza lumbale e boshtit kurrizor shkakton dhembje në pjesën lumbale të shpinës dhe në komblik.

Lordoza lumbale shkaktohet për shkak të qëndrimit jo të drejtë. Shkaktari tjetër mund të jenë shputat e rrafshëta dhe pesha e tepërt e trupit, transmeton Telegrafi.

Çfarë të bëhet te lordoza e boshtit kurrizor

Personi me lordozë lumbale të boshtit kurrizor duhet të forcojë muskujt e trupit, posaçërisht ata të brendshmit, muskujt të cilët mbajnë boshtin kurrizor, muskujt e vitheve, të shtrihet dhe të forcojë muskujt e komblikut (Iliopsoas) – muskulin e madh të ijëve, muskulin anësor dhe muskulin anësor të ijëve.

Iliopsoasi i shkurtër apo i tendosur “e nxjerr” barkun jashtë për ç’shkak krijohen poza specifike në të cilat qëndron personi me lordozë lumbale.

Prandaj është e nevojshme të forcohen muskujt e komblikut dhe të forcohen të gjithë muskujt e trupit të përmendura më sipër, të shpinës dhe barkut dhe gluteusin në mënyrë që boshti kurrizor të arrijë në pozicionin neutral, përkatësisht për t’u përmirësuar qëndrimi dhe për të pushuar dhembja.

Lordoza lumbale e boshtit kurrizor – ushtrimet

Joga është mënyra më e mirë për përmirësimin e lordozës lumbale të boshtit kurrizor sepse asanat e caktuara janë të drejtuara në muskujt e komblikut, m. Iliopsoas, i cili vështirë drejtohet.

Veç kësaj, joga ndihmon forcimin e muskujve të brendshëm të trupit dhe përgjithësisht ndihmon në këndelljen e trupit.

Pos jogës, këshillohen të gjitha ushtrimet e shtrirjes dhe forcimi i muskujve të trupit dhe të gluteusit.

Mënyra pasive e shërimit të lordozës është shërimi në shpinë me këmbë të lakuara në gjunjë të tërhequra në drejtim të barkut.

Nëse dëshironi të shtriheni në bark, apo të flini gjumë në këtë pozitë, nën bark vendosni jastëk që të rrafshojë shpinën.

Rekomandohet edhe terapia fizikale, humbja e peshës së madhe të trupit dhe marrja e vitaminës D.

Në rastet e tjera rekomandohet ndërhyrje kirurgjikale. /Telegrafi/