Chelsea me poker golash kalon fazën grupore (Foto/Video)

Chelsea i është rikthyer fitoreve pas humbjes në xhiron e kaluar në Ligën e Kampionëve.

Londinezët kanë triumfuar si mysafirë të skuadrës azere kundër Qarabag me rezultat 4-0.

Në këtë formë, Th Blues arrin të kualifikohen për në fazën e eliminimeve ndërsa ekipi i mbrojtësit shqiptar, Ansi Agolli ende ka gjasa të kualifikohet për në Ligën e Evropës.

Mysafirët dy golat e parë i realizuan në pjesën e parë, ndërsa po aq edhe në 45 minutshin e dytë.

Eden Hazard u tregua i saktë në të 21 minutë kur ekzekutoi penalti. Paraprakisht, me karton të kuq u përjashtua prej ndeshjes, Rashad Sadygov, i cili shkaktoi penalltinë në Willianin.

Willian pas një bashkëveprimi me Cesc Fabregasin reailizoi gol në të 36 minutë, që ishte edhe i fundit në 45 minutshin e parë.

Pesë minuta para përfundimit të takimit, braziliani Willian ka shënuar edhe golin e dytë personal dhe të katërtin për ekipin.

Edhe në pjesën e dytë mysafirët treguan lojë më të mirë, e cila gjë rezultoi edhe me një gol.

Sërish penalti për Chelsean në të 73 minutë, por kësaj radhe nga pika e bardhë u tregua i suksesshëm Cesc Fabregas.

Deri në fund të ndeshjes më nuk pati gol dhe kështu, të besuarit e Antonio Contes triumfuan me rezultat 4-0.

Pas kësaj, Chelsea është lider i grupit C me dhjetë pikë ndërsa Qarabag ka dy pikë. /Telegrafi/

https://youtu.be/ni_YRQLshfU?t=1

https://youtu.be/6CY3USIGgwo

https://youtu.be/SGGdGwGNj3s?t=1