Chelsea merr një lajm të madh, katër lojtarë rikthehen në stërvitje nga lëndimet

Chelsea ka marrë një lajm të mirë pas humbjes në finalen e Carabao Cup nga Liverpooli të dielën në mesditë.

Romeo Lavia është rikthyer në stërvitjet e Chelseat , siç shihet edhe nga pamjet nga seanca e së hënës të publikuara në faqen zyrtare të klubit.

Belgu mezi ka gjuajtur një top për blutë këtë sezon pasi mbërriti në Ura në gusht me një dëmtim në kyçin e këmbës.

Mesfushori është paraqitur vetëm një herë për Chelsean deri më tani këtë sezon, duke luajtur për pak më shumë se gjysmë ore në fitoren 2-1 kundër Crystal Palace në dhjetor.

Lavia më pas pësoi një rikthim të dëmtimit dhe që atëherë nuk ka qenë në dispozicion.

20-vjeçari iu bashkua Chelseat-it me një transferim prej 53 milionë funte plus 5 milionë funte nga Southampton gjatë verës.

Thiago Silva gjithashtu është rikthyer në stërvitje pasi pësoi një dëmtim në ijë në fillim të këtij muaji. Marc Cucurella , i cili iu nënshtrua një operacioni në kyçin e këmbës në dhjetor, është rikthyer në stërvitjen e ekipit gjithashtu. Benoit Badiashile gjithashtu është kthyer dhe ka stërvitur me ekipin. /Telegrafi/