Chelsea është gati t’i ofrojë dy lojtarë dhe para për Sanchon

Chelsea thuhet se është gati të bëjë një ofertë shokuese për yllin e Manchester United, Jadon Sancho.

Sancho u kthye në stërvitjet e ekipit të parë në United këtë verë pasi u dëbua nga Erik ten Hag pas mosmarrëveshjes së tyre publike sezonin e kaluar.

Pavarësisht se i rregulloi gjërat me Ten Hag, marrëdhënia e Sanchon me trajnerin e Djajve të Kuq është ende e prishur.

Një largim nga Old Trafford këtë verë besohet të jetë ende në plan.

Sipas mediumit Daily Mail, Paris Saint-Germain ishte në bisedime me United për një transferim me vlerë rreth 60 milionë euro, por ato negociata dështuan.

Me PSG-në që mendohet të jetë jashtë garës për të nënshkruar me Sanchon, një klub i ri ka hyrë në garë.

Raporti pretendon se Chelsea është i gatshëm të ofrojë një ‘tarifë transferimi’ dhe ‘dy lojtarë të akademisë’ për Sanchon.

Chelsea ‘make shock move to sign Man United star Jadon Sancho as his relationship with Erik ten Hag is STILL strained’ – after ‘talks over £51m deal with PSG collapse’ https://t.co/ZJx3SG5kdu

— Mail Sport (@MailSport) August 16, 2024

Blutë do të ishin gjithashtu të hapur për një marrëveshje huazimi me një detyrim blerje, duke paguar pagën e tij prej 290 mijë funtesh në javë në tërësi për kohëzgjatjen e periudhës së tij në Stamford Bridge.

Sancho luajti tre ndeshje për United sezonin e kaluar para se t’i bashkohej Borussia Dortmundit si huazim në muajin janar.

Ai bëri 21 paraqitje në të gjitha garat, duke shënuar tre gola në periudhën e tij të dytë në Dortmund. /Telegrafi/