Chelsea dhe katër klube tjera të Ligës Premier në hetime nga FIFA, Blutë rrezikojnë ndalesë transferimesh për dy vite

Pesë klube të Ligës Premier, ndër to edhe Chelsea përballen me një ndalesë të transferimeve pas investigimeve që FIFA po i bën për thyerjen e rregullave me lojtarë të huaj të moshës nën 18 vjeç.

Chelsea është njëri nga klubet që po hetohet nga FIFA për thyerjen e rregullave për transferimin e të miturve.

Sipas mediumit anglez Telegraph, Blutë rrezikojnë një ndalesë transferimesh prej dy viteve apo katër afateve kalimtare nëse dënohet nga FIFA.

Këto publikime kanë ardhur nga organizata e mirënjohur për shfaqjen e dokumenteve të rëndësishme Football Leaks.

Përveç Chelseat, dënimit nga FIFA rrezikojnë ta marrin edhe katër klube tjera të Ligës Premier, por që nuk i janë zbuluar emrat.

Lexo po ashtu Të gjitha lajmet rreth Football Leaks

“Një hetim i madh me shumë klube të përfshira është duke ndodhur”.

“Shumë klube të mëdha evropiane dhe nga Liga Premier janë aty”, ka thënë një burim për Telegraph Sport.

Transferimi i Bertrand Traore është njëri nga më të dyshimtit tek Chelsea, pasi sulmuesi u nënshkrua zyrtarisht pasi i ka bërë 18 vjet, ndërsa në një fotografi shihet duke luajturi si 16-vjeçar ndaj Arsenalit.

Edhe klubet spanjolle si Real Madridit e Atletico Madridi dhe italianët e Juventusit gjithashtu rrezikojnë dënimin për transferime të dyshimta me të mitur. /Telegrafi/