Këtë javë, një qark i Nju Jorkut ka deklaruar se i ka ndaluar të gjithë fëmijët e pa vaksinuar nga të gjitha hapësirat publike pas rritjes më të madhe të numrit të rasteve me fruth në dekadat e fundit.
Sipas CDC-së (qendrës për Parandalim dhe Kontrollim të Sëmundjeve0, më shumë se 180 raste të fruthit janë konfirmuar së fundmi nga qyteti i Nju Jorkut, transmeton Telegrafi.
Zyrtarët e Rockland kanë theksuar rëndësinë e vaksinimit të fëmijëve, duke u bërë thirrje të gjithë prindërve ta bëjnë këtë.
Por, si funksionojnë vaksinat dhe çfarë rreziqe sjellin fëmijët e pa vaksinuar?
Më poshtë keni gjithçka çfarë duhet të dini.
Si funksionojnë vaksinat?
Qëllimi i vaksinave është ta ndihmojë trupin të prodhojë antitrupa të cilët mund t’i luftojnë sëmundjet.
Kur një person vjen në kontakt me një sëmundje, nëse është vaksinuar kundër asaj sëmundje, sistemi i tij i imunitetit duhet të jetë i aftë ta njeh atë sëmundje dhe t’i prodhojë antitrupat që nevojiten për ta zhdukur shpejt atë.
Disa vaksina janë më efikase sesa tjerat.
p.sh., vaksina MMR, e cila na mbron kundër fruthit, virusit të shytave dhe rubeolës, i furnizon pacientët me 90% mbrojtje kundër sëmundjeve pas vetëm një doze.
Në anën tjetër, vaksina tifoid, të cilën e marrin individët kur udhëtojnë te shtetet që kanë rrezik të lartë të tifoidit dhe hepatitit A, i furnizon pacientët me rreth 70% mbrojtje për rreth tri vjet.
Cilat sëmundje janë eliminuar për shkak të vaksinave?
Shumë sëmundje janë eliminuar falë vaksinave. Në shekullin e 20-të, rreth 300 milionë njerëz kanë vdekur nga lija.
Në vitin 1980, ishte deklaruar se lija është eliminuar thuajse krejtësisht, ku rasti i fundit i njohur ka ndodhur në Somali në vitin 1977.
Sëmundjet tjera të cilat janë në rrugë për t’u eliminuar krejtësisht për shkak të vaksinimit janë polio, kolla e keqe dhe meningtisi C.
Cilat janë rreziqet e fëmijëve të pa vaksinuar?
Rreziku kryesor për një fëmijë që nuk është vaksinuar është se do të ketë rrezik më të lartë të diagnostikohet me sëmundje të dëmshme.
Pasi që trupat e fëmijëve të pa vaksinuar nuk prodhojnë mjaftueshëm antitrupa për t’i luftuar sëmundjet, edhe jeta e tyre mund të jetë në rrezik.
Megjithatë, nuk është vetëm shëndeti i tyre arsye për t’u brengosur, por edhe mirëqenia e njerëzve përreth.
Nëse një fëmijë i pa vaksinuar diagnostikohet me ndonjë sëmundje, ata kanë më shumë rrezik ta shpërndajnë te tjerët që nuk janë vaksinuar.
Kjo përfshin edhe individët që nuk kanë mundur të vaksinohen si pasojë e problemeve të ndryshme shëndetësore, ose tek individët që janë shumë të vegjël për injeksione.
Por, ekziston edhe një mundësi e vogël se edhe ata që janë të vaksinuar mund të sëmuren kur ekspozohen ndaj një virusi të caktuar.
Vaksinimi për momentin i parandalon mes 2-3 milionë vdekje në vit, sipas Organizatës Botërore të Shëndetësisë.
Përse disa të rritur vendosin të mos i vaksinojnë fëmijët e tyre?
Dy arsyet kryesore se përse disa prindër vendosin të mos i vaksinojnë fëmijët janë vetëkënaqësia dhe mungesa e vetëbesimit.
Organizata Botërore e Shëndetësisë së fundmi e ka konsideruar lëvizjen e anti-vaksinimit si një prej kërcënimeve më të këqija me të cilën përballet njerëzimi në vitin 2019.
Ky paralajmërim ka ardhur pas rritjes prej 30% të numrit të rasteve me fruth anë e mbanë botës, duke përfshirë edhe disa shtete ku sëmundja pothuajse ishte zhdukur fare. /Telegrafi/
Lufta Prigozhin - Putin
Më shumëThonë se nuk ka grua më të bukur se ajo në planet: Bën seks katër herë në ditë
Mami! Po më dhemb koka!
Rregullat e modës që nuk duhet të ndiqni kurrë
Çfarë duan meshkujt në shtrat?
Si ndryshon trupi i gruas pas humbjes së virgjërisë
Sa kohë pas abortit, gratë mund të filloni sërish intimitetin?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj