Çfarë po kërkonte saktësisht FBI-ja në shtëpinë e Trumpit? Fotografitë e letrave të grisura në guaskën e tualetit nxitin reagime

Agjentët e FBI-së që bastisën shtëpinë e Donald Trumpit në Florida, kanë qenë në bisedime me zyrën e tij ligjore që nga qershori – ku vazhdimisht është diskutuar për një sërë dokumentesh presidenciale që ai i ruante në pronën e tij – por opinioni akoma është në habi dhe nuk e di se çfarë përmbajnë ato.

Bastisjet që u kryen të hënën dhe i konfirmoi vet Trumpi, Shtëpia e Bardhë pretendon se ka mësuar për këtë operacion kur e tërë bota kishte mësuar për këtë – duke thënë se nuk ishin të informuar paraprakisht, transmeton Telegrafi.

Gjithçka filloi në shkurt të vitit të kaluar, kur Trump mori disa dokumente sekrete nga Shtëpia e Bardhë kur u largua nga ajo në janar të vitit të kaluar, dhe disa prej tyre i dorëzoi në arkivin kombëtar.

E bastisjet e të hënës duke se kanë lidhur me dokumentet tjera që nuk ishin dorëzuar – pavarësisht se mbetet e paqartë se pse FBI vendosi ta kryej bastisjen në pronën e tij private.

Në ato momente Trump gjendej në qytetin e New Yorkut, dhe është fotografuar madje të hënën duke u larguar nga Trump Toëer në Manhattan.

Siç raporton CNN, hetuesit kishin shkuar në vilën e tij në Mar-a-Lago, për t’u takuar me avokatët e Trumpit për të diskutuar për dokumentet e shumëpërfolura.

Trump nuk është marrë në pyetje raporton CNN, por është ndalur dhe ka përshëndetur hetuesit dhe dy avokatët e tij. Dy avokatët i dërguan hetuesit në një dhomë në bodrum dhe i treguan atyre se ku janë vendosur dokumentet.

NEW IN AXIOS: Trump denied flushing documents as president, as I learned during reporting last year for CONFIDENCE MAN. A Trump White House source recently provided PHOTOS of paper with Trump’s handwriting in two different toilets via @mikeallen https://t.co/wv6rrupO1n

— Maggie Haberman (@maggieNYT) August 8, 2022

Pesë ditë më vonë, avokatët e Trumpit pranuan një letër me të cilën u kërkohet që të rritin sigurinë në atë dhomë dhe të ndërrohet dryni.

“Diçka ndodhi, pasi ishin të bindur se ato dokumente nuk janë të sigurta”, tha Shawn Wu, ish-prokuror federal.

Lajmi bëri bujë kur u publikuan fotografi ku shihen disa dokumente të grisura në guaskën e tualetit. Maggie Haberman, korrespondente e New York Times, ishte e para që kishte raportuar për shkatërrimin e dokumenteve në shkurt, por të hënën publikoi fotografitë në Twitter.

Në anën tjetër, Trump ka mohuar grisjen e dokumente si dhe hedhjen e tyre në guaskën e tualetit. Ndërkaq Departamenti i Drejtësisë nuk ka treguar nëse kryeprokurori Merrick Garland ka autorizuar personalisht bastisjen. /Telegrafi/

JUST NOW: "Staff in WH residence would periodically find the toilet clogged. The engineer would have to come and fix it. What the engineer would find would be wads of clumped up wet, printed paper." @maggieNYT on concerns of Trump flushing documents.pic.twitter.com/dertOPEXYm

— John Berman (@JohnBerman) February 10, 2022