Çfarë është sfida “6-6-6” e ecjes dhe pse duhet ta provoni?

Nëse jeni në kërkim të një rutine të re për të lëvizur trupin pa stres dhe angazhime të mëdha, sfida “6-6-6” mund të jetë ajo që ju duhet

Kjo tendencë e re përfshin një ecje 60-minutëshe në orën 6 të mëngjesit ose 6 të pasdites, plus 6 minuta për nxehje dhe 6 minuta për qetësim.

Pasi tendenca e famshme 12-3-30 (ecja në tokë të pjerrët 12% për 30 minuta me shpejtësi 4.8 km/h) mori vëmendje të madhe, sfida “6-6-6” vjen si një alternativë më e lehtë dhe më e përshtatshme për këdo që dëshiron një formë të thjeshtë ushtrimi.

Pse ia vlen ta provoni?

Ndryshe nga rutinat e lodhshme në palestër, sfida “6-6-6” është e lehtë për t’u zbatuar dhe mund të bëhet kudo:

• Në një park apo shteg natyror
• Në një pistë të mbyllur
• Në një hapësirë të lirë jashtë zyrës suaj
• Madje edhe në një “walking pad” brenda shtëpisë

Nëse mendoni se një orë ecje është shumë, mos u shqetësoni! Mund ta kombinoni me ndonjë aktivitet tjetër si dëgjimi i muzikës, ndjekja e një podcast-i, ose shikimi i një seriali që askush tjetër nuk do ta shohë me ju (po, kjo është momenti ideal për të parë ato episode që i lini gjithmonë për më vonë!).

A ndihmon në humbjen e peshës?

Nëse e bëni rregullisht dhe kombinoni me një dietë të ekuilibruar, ecja e përditshme mund të kontribuojë në humbjen e peshës. Megjithatë, rezultatet ndryshojnë nga personi në person dhe nuk duhet ta prisni si një metodë të shpejtë për ndryshime drastike. Në përgjithësi, humbja e 0.5-1 kg në javë është një ritëm i shëndetshëm, ndaj qëndrueshmëria është çelësi.

A ndikon në humor?

Po dhe në një mënyrë shumë të mirë! Nëse e bëni pasdite, kjo ecje mund t’ju ndihmojë të çliroheni nga stresi i ditës dhe të ndiheni më energjikë në mbrëmje. Në vend që të bini në grackën e shfletimit pafund në rrjete sociale, një orë ecje mund t’ju ndihmojë të ndiheni më të qetë dhe më produktivë. /Telegrafi/