Ç’është dhe si ta realizoni metodën 3-6-5, për një gjumë më të mirë!

Stephanie Gailing, konsulente e shëndetit, thotë se metoda 3-6-5 është ideale për “ta qetësuar trupin përgjatë ditës”

“3-6-5” është një metodë frymëmarrjeje që praktikohet 3 herë në ditë, me 6 frymëmarrje të plota për 5 minuta.

Si ta realizoni për të marrë më të mirën prej saj:

1 – Gjeni një pozicion të rehatshëm

Është e rëndësishme të jeni të relaksuar. Uluni në një karrige të rehatshme ose shtrihuni. Shumë njerëz thonë se e praktikojnë më mirë nëse janë shtrirë.

2 – Mbani një metodë për të “gjurmuar” frymëmarrjen tuaj

Mund të përdorni një aplikacion ose të numëroni sekondat, nëse kjo ju ndihmon të përqendroheni. Pjesa më e madhe e njerëzve vendosin kohëmatësin në 5 minuta.

3 – Merrni frymë ngadalë dhe thellë në diafragmën tuaj për 5 sekonda dhe më pas, nxirreni për 5 sekonda të tjera

Kështu, ju do të arrini të bëni 6 frymëmarrje të plota në minutë. Bëni të njëjtën gjë për 5 minuta.

4 – Përsëriteni dy herë të tjera përgjatë ditës

Mos harroni se praktikat e frymëmarrjes kanë një sërë përfitimesh. Ato ju ndihmojnë të ribalanconi sistemin nervor, duke ju bërë më elastik ndaj stresit.

Burimi: Well & Good, Anabel