Sipas hetimeve për “Censurë në internet 2020″ me titullin “Harta globale e kufizimeve në internet”, Maqedonia e Veriut ndodhet në grupin e vendeve me pak kufizime online.

Maqedonia e Veriut është vlerësuar me dy pikë, ndërsa ata që janë vlerësuar me 10 kanë më shumë kufizime në internet, përcjell Telegrafi Maqedoni.

Në këtë studim, hulumtuesit e kanë krahasuar gjendjen e internetit në 181 vende, për të parë se cilat vende kanë më shumë kufizime dhe qytetarët e cilave vende kanë më shumë liri në internet.

Në këtë studim janë marrë parasysh 10 faktorë, siç janë kufizimi i torentëve, kufizimi dhe ndalimi i pornografisë, kufizimi dhe ndalimi i mediumeve politike, censura e rëndë e mediumeve politike, kufizmi dhe ndalimi i rrjeteve sociale, kufizimi dhe ndalimi i VPN-së.

Maqedonia e Veriut ka disa kufizimi në lidhje me përmbajtjen nga Torentët, si dhe ndalesën për mediumet politike.

Sipas studimit, me më shumë kufizime në internet janë qytetarët e Koresë së Veriut, ku vëretet se të gjithë faktorët janë me kufizime.

Më pas vijnë Kina (9), Rusia, Turkmenistani, Irani, Bjellorusia, Turqia, Omani, Pakistani, Emiratet e Bashkuara Arabe dhe Eritrea./Telegrafi/