Çekia thirrje serbëve të kthehen në institucione, Qeverisë që të themelojë Asociacionin

Largimi i serbëve nga institucionet e Kosovës, ka bërë që të reagojnë nga bashkësia ndërkombëtare.

Së fundmi një reagim ka ardhur edhe nga Çekia e cila u ka bërë thirrje serbëve të kthehen në institucione.

Shteti çek i ka bërë thirrje edhe Qeverisë së Kosovës që të themelojë Asociacionin e Komunave me shumicë serbe.

Kështu është bërë e ditur në një postim të Ministrisë së Punëve të Jashtme të Çekisë.

“Presidenca Çeke i bën thirrje Serbisë dhe përfaqësuesve të serbëve të Kosovës që të kthehen në institucione të Kosovës. I bëjmë thirrje dyja palëve të përmbahen nga çdo veprim që mund të çojë në dhunë e konfrontim. Duhet të themelohet Asociacioni i Komunave me shumicë serbe”, thuhet në njoftim.

#CZPRES calls on Serbia and Kosovo Serb representatives to return to the Kosovo institutions. We call on both sides to refrain from any action that would lead to violence and confrontation. The Association of Serb Majority Municipalities must be established. ⬇️

— Czech Ministry of Foreign Affairs (@CzechMFA) November 6, 2022

Kujtojmë se të shtunën më 5 nëntor, Lista Serbe ka njoftuar për largimin e serbëve nga institucionet e Kosovës.

Paralajmërimet e Listës Serbe për largim nga institucionet e Kosovës kanë ardhur pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në RKS – Republika e Kosovës.

Goran Rakiq, kryetari i Listës Serbe, ka thënë më 5 nëntor se vendimi për largim nga institucionet do të zbatohet deri në momentin kur Qeveria e Kosovës të tërheqë vendimin për riregjistrim të makinave dhe të respektojë marrëveshjet e Brukselit.

Ndërkaq sot e diele, kanë dhënë dorëheqje edhe kryetarët e katër komunave veriore. /Telegrafi/