LAJMI I FUNDIT:

Ç’do të sjellë Hëna e re në Dash për shenjën tuaj?

Ç’do të sjellë Hëna e re në Dash për shenjën tuaj?

Hëna e re do të sjellë mundësi të reja për përtëritje dhe manifestim

Nëse keni një mungesë apo boshllëk në jetën tuaj, kjo është koha perfekte për ta mbushur atë, përmes një përvoje, personi, apo edhe një sendi/orendie të re.

Tani, le të bëhemi specifikë dhe ta kuptojmë se ç’do të ndodhë saktësisht me shenjën tuaj.

Dashi

Lërini qëllimet tuaja të rrotullohen rreth zhvillimit tuaj personal. Qartësoni vlerat e jetës suaj, çka ka më shumë rëndësi për ju dhe në ç’drejtim doni të rriteni në jetën tuaj. Nëse keni kaluar një trishtim, apo situatë lënduese, do të ripërtëriheni, për të marrë frenat e jetës suaj.

Demi

Për momentin, sfida juaj më e madhe është që të përpiqeni të krijoni një ide të qartë për ndjenjat dhe gjykimet tuaja. Shpesh paragjykoni dhe nëse arrini të ndërgjegjësoheni mbi këtë ves që keni, do t’ia dilni shumë më mirë.

Binjakët

Kur e rrethoni veten me njerëz që janë shumë më të ndryshëm se ju, shumë gjëra interesante mund të ndodhin. Do të njiheni me njerëz që ndajnë interesa të ngjashme, por ndoshta kanë mendime dhe koncepte të tjera nga ju. Bota është e mbushur me diversitet dhe kjo është e bukura.

Gaforrja

Ëndrrat tuaja në karrierë po japin frytet e veta dhe ky është vetëm fillimi. Mund të keni shpenzuar shumë kohë duke punuar, por tani është momenti të shpërbleheni. Manifestoni dëshirat dhe shihni teksa ju realizohen.

Luani

Jeni pothuajse gati për të hyrë në një fazë totalisht të re në jetën tuaj, por ju duhet edhe pakëz kohë, që të përgatiteni për atë që ju pret. Leksionet që do të merrni do të arrini t’i përvetësoni, në mënyrë që të bëheni versioni më i mirë i vetes.

Virgjëresha

Kur shihni që fjalët dhe qëllimet e përbashkëta po mbarojnë, mund ta përfundoni debatin, apo ciklin që po ju mban peng. Gjatë kësaj periudhe, duhet të jeni më të vetëdijshëm për ndryshimet që ndodhin në jetën tuaj, si dhe përqendrohuni më shumë në mendimet tuaja. Ndoshta ato jua shtojnë stresin.

Peshorja

Në marrëdhëniet tuaja është e rëndësishme që të jeni sa më të qartë në synimet tuaja. Nuk ka vend për pavendosmëri në jetën tuaj. Nëse nuk doni që të mundoheni më shumë, atëherë vendosni qëllimin dhe punoni për ta realizuar atë. Kjo periudhë sjell më shumë biseda të drejtpërdrejta me njerëzit që ju rrethojnë.

Akrepi

Disa ekzaminime shëndetësore, detyra të lodhshme dhe shumë kënaqësi shfaqen në horizont. Kjo do të thotë se duhet të kuptoni se keni shumë nevojë dhe dëshirë që të jetoni një jetë më të lirshme, pa shumë kokëçarje dhe impenjime.

Shigjetari

Kjo Hënë e re sjell një mundësi të re për t’u argëtuar! Do të bëni disa gabime, por është e rëndësishme që të praktikoni dashurinë për vete dhe t’i flisni shpirtit, mendjes dhe trupit tuaj me fjalë të ëmbla. Askush nuk i di të gjitha dhe s’është aspak gjë negative, përkundrazi shërben si motivim për të mësuar më shumë në të ardhmen.

Bricjapi

Shqisat tuaja do të vihen më shumë se kurrë në punë gjatë kësaj periudhe. Ka gjasa që të gjeni edhe më shumë mundësi dhe të blini orendi për ta bërë shtëpinë tuaj më komode, që të jeni gjithnjë super rehat, citon Anabel.

Ujori

Edhe nëse keni të drejtë, mënyra se si shpreheni ka shumë të bëjë dhe mund të duket e gabuar për njerëzit që ju rrethojnë dhe nuk janë në gjendje të kuptojnë intelektin apo humorin tuaj. Është përgjegjësi e madhe për ju, por sërish shumë frytdhënëse.

Peshqit

Të dashur Peshq, keni hyrë në një periudhë të vështirë në jetën tuaj, të paktën këtë thonë yjet. Tani është momenti ideal për të bërë një rezyme dhe për të punuar më shumë me vetëvlerësimin tuaj. Ku besoni? Cilat janë parimet dhe vlerat tuaja? Këto do t’ju udhëheqin edhe në rrugët më të errëta. /Telegrafi/

Në trend Stil

Më shumë
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Si të flisni me njerëzit në botën e përtejme: Një kujtesë e të humburve që nuk mund të harrohen

Si të flisni me njerëzit në botën e përtejme: Një kujtesë e të humburve që nuk mund të harrohen

Lifestyle
Tri shprehje të njerëzve me inteligjencë të lartë emocionale

Tri shprehje të njerëzve me inteligjencë të lartë emocionale

Lifestyle
Të drejtat dhe obligimet e trashëgimtarit në procedurën trashëgimore: Testamenti dhe gjithçka që duhet të dini

Të drejtat dhe obligimet e trashëgimtarit në procedurën trashëgimore: Testamenti dhe gjithçka që duhet të dini

Këshilla Lifestyle
Kush më parë arrin kulmin seksual, meshkujt apo femrat?

Kush më parë arrin kulmin seksual, meshkujt apo femrat?

Intimitet dhe Pasion
Kalo në kategori