Domethëniet e çdo simboli në mbushësin tuaj të telefonit, duhet t’i dini

A keni shikuar ndonjëherë pjesën e prapme të mbushësit të telefonit, me gjithë ato shenja dhe simbole të çuditshme të cilat nuk ju janë të qarta? Këto janë shpjegimet për to.

1. Shenja e madhe “CE”

Kjo shenjë është simbol i deklaracionit nga shkurtesa franceze “ConformiteEuropeene”, që do të thotë që aparati është në harmoni me standardet evropiane të prodhimit, transmeton Telegrafi.

Kjo gjithashtu do të thotë që aparati është në harmoni me dispozitat të cilat i kërkon Direktiva evropiane e sigurisë, e shëndetit dhe e mbrojtjes së ambientit jetësor. Kjo ua mundëson produkteve aziatike që të shiten në Evropë.

2. Simboli i shportës së mbeturinave

Kjo shenjë u është e njohur të gjithëve, mirëpo a e keni ditur se çfarë do të thotë kjo në të vërtetë? Kjo shenjë shënon që mbushësin nuk bën ta hidhni në shportë, sepse bën pjesë në kategorinë e mbetjeve elektronike.

Mbushësi do të duhej të dërgohej në qendrën lokale të riciklimit të mbetjeve në mënyrë qëtë riciklohet si mbetje elektronike dhe pajisje elektrike.

Simboli i shtëpisë

Do të thotë që aparati është i dedikuar ekskluzivisht për përdorim shtëpiak, jo për përdorim industrial.

Produkti nuk bën të mbahet nën ngarkesë të madhe nga kapaciteti i tij dhe do të punojë vetëm në tensionin standard “shtëpiak” prej 200-220 voltësh.

4. Katrori i dyfishtë

Ky simbol është shumë i rëndësishëm. Shumica e konsumatorëve janë të mësuar të blejnë mbushës lokal, ndërkaq brendet lokale nuk e kanë shenjën e këtillë.

Brendet e mbushësve të cilët e kanë këtë shenjë do të thotë që aparati posedon izolimin dhe është i sigurt për përdorim.

5. Simboli “PCT”

Ky simbol do të thotë që produkti është në harmoni me dispozitat GOST-R. GOST në rusisht do të thotë “Gosudarstveniistandart” dhe shënon standardet të cilat i ka vënë shteti rus.

GOST është grupi i standardeve rregullatorë, të cilat i ka vënë Këshilli evropiano-aziatik për standardizim, metrologji dhe certifikim (EASC).

6. Simboli “V”

Simboli “V” në mbushësin e telefonit mobil është niveli i efikasitetit dhe të gjitha këto nivele të standardeve janë shenjë e efikasitetit të mbushësve të brendeve mesatare.

Disa shtete kanë standardetë tjera dhe kjo është arsyeja përse ekzistojnë simbole të ndryshme në një mbushës. Nivelet e ndryshme të shteteve të mëdha janë SHBA – niveli IV, Kanadaja – niveli III dhe Unioni Evropian – niveli V. /Telegrafi/