Carovska: Pjesëmarrja e gruas në siguri do të sjellë më shumë paqe në botë

Në Fakultetin për siguri pranë Universitetit “Shën Klimenti i Ohrit” në Shkup sot u mbajt konferencë të titulluar “Lidership i femrës në fushën e sigurisë të Republikës së Maqedonisë së Veriut”.

Konferencën e hapi ministrja e Punës dhe Politikes Sociale, Milla Carovska, e cila u përqendrua në rëndësinë e promovimit dhe avancimit të barazisë gjinore në strukturat e sigurisë të vendit dhe më gjerë, si faktor kyç për interesat nacionale dhe prioritetet strategjike të Maqedonisë së Veriut.

“Është kënaqësi që të merret pjesë në konferencën në të cilën flasim për barazinë gjinore në strukturat nacionale të sigurisë, por është shumë me rëndësi në çfarë ngjarje të kemi në mënyrë të barabartë burra dhe gra, të cilat me profesionalizëm të barabartë në fushë, debatojnë në mënyrë të njëjtë për temën. Duke e pasur parasysh rezolutën 1325 për pjesëmarrje të grave në strukturat e sigurisë, por edhe natyrën e gruas si qenie, besoj se pjesëmarrja e grave në mbrojtje dhe siguri do të sjellë paqe në botë, për shkak se gratë gjithmonë synojnë që problemet t’i zgjidhin pa luftë”, deklaroi ministrja Carovska.

Duke iu referuar Rezolutës 1325 të Kombeve të Bashkuara, të miratuar në vitin 2000, me të cilën afirmohet roli i gruas në fushën e mbrojtjes dhe sigurisë, Carovska theksoi se kjo luan rol të madh në mënyrën më të cilën bashkësia ndërkombëtare qaset drejt parandalimit dhe zgjidhjes së konflikteve dhe e promovon barazinë gjinore dhe përforcimin e grave si faktor për paqen ndërkombëtare dhe sigurinë.