Ministrja e Arsimit dhe Shkencës, Milla Carovska sot tha se partia e saj si në nivelin qendror ashtu edhe në niveln lokal, për çdo ditë lufton për të krijuar kushte më të mira për jetesë.

“Nëse para katër viteve bisedonim për borxhe në arsim, sot flasim për investime në arsim. Vetëm në Koçani për katër vjet në komunë janë investuar 90 milionë denarë në arsim. Këto janë investime në infrastrukturë, investime në arsim, për shkak se nëse nuk investoni në arsim, ju keni harruar të investoni në të ardhmen”, tha Carovska në tribunën e LSDM-së.

Ajo shtoi se të gjitha reformat e LSDM-së në arsim dhe në sferat tjera kanë pvr qëllim që të rinjtë të mbesin këtu dhe ta ndërtojnë të ardhmen

“Këtë që sot po e bëjmë në arsim duket e vështirë, por e bëjmë në mënyrë transparente dhe demokratike, për arsye se duam që fëmijët tanë, nxënësit tanë të marrin dije dhe aftësi, të jenë konkurrentë në tregun botëror, dhe të mos braktisin shtetin”, tha Carovska./Telegrafi/