Capital T dhuron një banesë për bamirësi te “Jetimat e Ballkanit” në vlerën 30 mijë euro

Reperi i njohur shqiptar, Capital T, tash e sa kohë është i angazhuar në aktivitet bamirëse në qëllim të ndihmës ndaj personave në nevojë.

Ai ka qëndruar përkrah hoxhë Halil Kastrati në shumë prej iniciativave të organizatës “Jetimat e Ballkanit”.

https://www.instagram.com/p/BxhKySBBhhK/

Së fundmi, reperi ka dhuruar një banesë në vlerë 30 mijë euro, dhe këtë e ka bërë përmes organizatë në fjalë.

Lajmi është bërë i ditur nga vet hoxhë Halil Kastrati, përmes një fotografie të publikuar në rrjetet sociale, ku shfaqet bashkë me reperin Capital T si dhe fotografitë e banesës në fjalë.

“Na dhurohet edhe një banesë tjetër. Trim Ademi Capital T dhuron banesë të re te Jetimat e Ballkanit në vlerë prej 30 mije eurove. Në këtë muaj të shenjtë të Ramazanit, përveç dhurimit të një Iftari në kuzhinën tonë, sot Trim Ademi Capital T na dhuroj një banese të re dhe të kompletuar me të gjithë mobilimin dhe pajisjet tjera që duhen për një banesë. Banesa është afër 65 metra katrorë dhe vlera e saj është 30 mijë euro. Së shpejti do ta bëjmë edhe dhurimin e kësaj banese te një familje nevojtare. Trim Ademi Zoti të shpërblefte”, shkruhet në njoftimin e Halil Kastratit.

Ndërkohë, ditë më parë dyshja në fjalë shtruan edhe iftar për rreth 300 persona në nevojë. /Telegrafi/

Në vazhdim, fotografitë e banesës së dhuruar për bamirësi nga Capital T: