Candreva: Do japim maksimumin në derbi, duam që të mbajmë Milanin poshtë nesh

Sulmuesi i Interit, Antonio Candreva, ka premtuar se do të jep më shumë se maksimumin në derbin ndaj Milanit në fundjavë.

Zikaltrit do të luajnë ndaj kuqezinjve të dielën mbrëma dhe është një ndeshje që luhet për një vend në Ligën e Kampionëve.

“Do ishte një dhuratë (duke iu referuar fitores) për të gjithë ne dhe tifozët në të dielën”, ka thënë Candreva për Premium Sport, që sot (e mërkurë) e feston ditëlindjen e 31-të.

“Fitorja do të na ndihmonte shumë pas një periudhe të vështirë që kemi pasur dhe të përgatitemi në mënyrën më të mirë për fundin e sezonit”.

“Shpresoj të shënoj së shpejti, do ishte mirë ta bëja në derbi për skuadrën dhe kështu të vazhdojnë për një vend në Ligën e Kampionëve”.

Lexo po ashtu Sa jemi gabuar me Gattuson...

“Milani po kalon në një periudhë fantastike, por ata ende janë poshtë nesh dhe duam t’i mbajmë ashtu”.

“Derbi është një lojë në vetvete, ndryshe nga të tjerat, por në fund të ditës vlen vetëm tre pikë. Derbi është i vështirë, por do japim 101 per qind”, ka shtuar Candreva.

Italiani këtë sezon në Serie A dhuruar tetë asistime në 25 ndeshje, ndërsa gol ende nuk ka shënuar në 1873 minuta lojë. /Telegrafi/

https://www.youtube.com/watch?v=scl3t76TIFc