Mbrojtësi portugez, Joao Cancelo ka bërë njërin nga dedikimet më të bukura për dy bashkëkombësit e tij, Diogo Jotës dhe Andre Silvës.

Gjatë ditës së djeshme (e enjte) erdhi lajmi se ylli i Liverpoolit së bashku me vëllain e tij kanë vdekur pas një aksidenti trafiku në provincën e Zamorës në Spanjë.

Vdekja e tyre erdhi pasi vetura doli nga rruga dhe pastaj mori flakë, duke lënë të vdekur të dy lojtarët dhe duke shkaktuar reagime të shumta.

Dalin pamjet ku shihet vetura e Diogo Jotas duke u djegur disa minuta pas aksidentit

Njëri nga lojtarët me dedikimin më të veçantë ishte Cancelo, i cili ndër të tjerash ka shkruar se duhet “t'i shohim gjërat në perspektivë për të vlerësuar atë që kemi dhe atë që nuk është e garantuar: e nesërmja”.

Reagimi i plotë i Cancelos Sot, nuk u zgjuam thjesht pa dy lojtarë futbolli. Sot, tre fëmijë u zgjuan pa babanë e tyre. Sot, një nënë dhe një baba u zgjuan pa dy djemtë e tyre. Sot, një grua (ata ishin martuar së fundmi) u zgjua pa burrin e saj në krah. Sot, të gjithë u zgjuam të shokuar. Sot, bota po mban zi në një nga ato momente të rralla kur mund të ndalemi, të tregojmë ndjenja të sinqerta dhe t'i shohim gjërat në perspektivë për të vlerësuar atë që kemi dhe atë që nuk është e garantuar: e nesërmja. /Telegrafi/

NdërkombëtareEkipetKombëtarja e PortugalisëLiverpoolSporte tjeraSport
telegrafi sport app