Calhanoglu reagon pas sulmit që iu bë gjyqtarit në Turqi

Mesfushori i Interit, Hakan Calhanoglu ishte “shokuar” kur kishte parë presidentin e Ankaragucu, Faruk Koca, duke e grushtuar gjyqtarin Halil Umut Meler.

Incidenti ndodhi mbrëmjen e së hënës në një takim mes Ankaragucu dhe Rizespor në Super Ligën Turke.

Mysafirët shënuan një gol në minutat e fundit dhe presidenti i vendasve humbi plotësisht toruan pas fishkëllimës së fundit, duke grushtuar gjyqtarin në fytyrë.

“Unë ende jam në shok nga ajo që kam parë. E dënoj sulmin e bërë në Halil Umut Meler. Situata të tilla ndodhin jo vetëm si një fatkeqësi për gjyqtarin, por gjithashtu edhe për njerëzimin”, ka shkruar Calhanoglu në platformën X (ish-Twitter).

Hala gördüklerimin şokunu yaşıyorum. Sayın Halil Umut Meler'e yönelik yapılan saldırıyı kınıyorum. Bu tür olaylar, sadece bir hakeme değil, aynı zamanda insanlığın temeline atılmış bir darbe olarak karşımıza çıkıyor.

— Hakan Çalhanoğlu (@hakanc10) December 12, 2023

“Kjo mendësi, kjo mungesë e ndjeshmërisë, e ka dëmtuar jo vetëm sportin por edhe vlerat njerëzore. Është e rëndë teksa shohim se kujtimet tona të bukura për këtë sport janë në rrezik gjithashtu edhe shpresat se në të ardhmen mund të ndodhin situata të tilla”.

Lexo po ashtu Skena të tmerrshme në Turqi: Gjyqtari goditet me grusht në fytyrë pas përfundimit të ndeshjes

Super Liga e Turqisë tashmë është suspenduar pas këtij incidenti. Gjyqtari turk Umut Meler së fundmi kishte ndarë drejtësinë në ndeshjen mes Lazios dhe Celtic në Ligën e Kampionëve, e cila përfundoi me fitoren e lacialëve me rezultat 2-0.

Përvç Calhanoglut, ka pasur reagime edhe të figurave të tjera siç është përzgjedhësi i Turqisë, Vincenzo Montella, i cili e cilësoi sulmin ndaj gjyqtarit si sulm brutal duke bërë thirrje që situata të tilla të mos përsëriten më./Telegrafi/