Caktohet data e ndeshjes Barcelona-Osasuna, blaugranasit do të kenë dy mungesa të mëdha

Pas vdekjes tragjike të doktorit Carles Minarro Garcia, dueli i Barcelonës ndaj Osasunës ishte suspenduar vetëm pak minuta para fillimit të saj. 

Tani, La Liga edhe zyrtarisht ka caktuar datën se kur do të riluhet ky takim dhe kjo nuk do t’i pëlqejë aspak blaugranasve. 

Sipas mediumit katalanas Sport, La Liga ka marrë vendimin që ky duel të luhet të enjten më 27 mars, një datë pak pas pushimit me kombëtare. 

Kjo do të thotë që Barcelona me shumë gjasa do ta luante këtë ndeshej pa shërbimet e brazilianit Raphinha dhe uruguaianit Ronald Araujo, pasi do të ishte vështirë për ta që të arrinin në kohë. 

🚨OFICIAL | El Barça – Osasuna, fijado para el jueves 27 de marzo.

🇧🇷 Raphinha jugará el Brasil vs. Argentina en la madrugada del 25 al 26 de marzo.

🇺🇾Araujo estará con Uruguay ante Bolivia el 25 de marzo a las 21:00h. pic.twitter.com/lNwfiwiI5v

— El Chiringuito TV (@elchiringuitotv) March 17, 2025

Brazili do të takohet me Argjentinën në ora 01:00 pas mesnatës të mërkurën, ndërsa Araujo do ketë një udhëtim të lodhshëm për në Bolivi. 

Ani pse nuk është caktuar ora se kur do të luhet ndeshja mes Barcelonës dhe Osasunës, është parashikuar që do të jetë me fillim nga ora 21:00. 

Lexo po ashtu Ylli i Barcelonës pëson lëndim të rëndë – me gjasë humbet pjesën e mbetur të sezonit

Sipas kësaj, Raphinha do ta përfundonte ndeshjen në Buenos Aires vetëm 42 orë më herët. 

E përditshmja katalanase shpjegon se Barcelona ishte e etur ta evitonte këtë datë pikërisht për këtë arsye dhe Osasuna ishte pajtuar që ndeshja të luhet sipas preferencave të tyre. 

Mbetet të shihet nëse Barcelona do të kërkojë që orari i ndeshjes të ndryshojë edhe një herë tjetër./Telegrafi/