Ambasadori i Republikës së Çekisë në Kosovë, Pavel Bílek, ka takuar thënëluesin e kompanisë Gjirafa, Mërgim Cahani dhe partnerin investues të Rockaway Capital, Dušan Zábrodský.

Cahani dhe Zábrodský e kanë informuar ambasadorin për qëllimet e investimit të kompanisë Gjirafa.

“Zyrtarët e Rockaway Capital dhe ata të Gjirafa-së e informuan Udhëheqësin e Misionit Diplomatik, për qëllimet e investimit që do të mundësoj, jo vetëm në dyfishimin e ekipit të suksesshëm, por në veçanti të zgjeroj rrethin e prodhimeve të tashme dhe të prezantoj shërbimet tjera elektronike, që ende nuk janë në dispozicion në rajon”, thuhet në njoftimin e ambasadës, përcjell Telegrafi.

Kujtojmë se Rockaway Capital ka filluar me investimin e parë në Gjirafa në muajin shkurt të vitit 2016 me qëllim që të përkrahë kompaninë në planin e saj për tu bërë pionier i ekonomisë së internetit në rajonin e Ballkanit, veçanërisht në Shqipëri dhe Kosovë. Në tri vitet e fundit, Gjirafa jo vetëm që ka arritur këtë objektiv, mirëpo i ka tejkaluar shumë nga to, ku produktet e Gjirafës tashmë janë lider në shitjen online, video-përmbajtje dhe marketing dixhital.

Gjirafa merr investim prej 6.7 milionë dollarë të Serie B nga Rockaway Capital dhe investitorë amerikanë për dixhitalizimin e Ballkanit Gjirafa merr investim prej 6.7 milionë dollarë të Serie B nga Rockaway Capital dhe investitorë amerikanë për dixhitalizimin e Ballkanit

Gjirafa deri më tani ka pranuar 8.7 milionë dollarë nga katër investime. Investimi i fundit prej 6.7 milionë dollarë i Serisë B ishte nga Rockaway Capital dhe disa investitorë amerikanë.

Gjirafa njëra ndër kompanitë më të suksesshme të teknologjisë në Evropë (Infografikë) Gjirafa njëra ndër kompanitë më të suksesshme të teknologjisë në Evropë (Infografikë)

Motori shqiptar i kërkimit Gjirafa, është kompani e avancuar e teknologjisë, produkt kryesor i së cilës është makina kërkimore Gjirafa.com. Kompania ka platformën e reklamimit në internet e njohur si Gjirafa AdNetwork, shërbimi i shitjes online Gjirafa50.com dhe GjirafaMall.com, video platforma me përmbajtje ekskluzive GjirafaVideo dhe platforma e pikave të interesit dhe bizneseve nën emrin Gjirafa.biz. /Telegrafi/