Burimi i bie pishman pas daljes nga Big Brother, thotë se u ndje i bullizuar brenda shtëpisë

Burim Vatovci u eliminua të premten nga Big Brother VIP Kosova 3.

Ish-konkurrenti ka lënë përgjysmë garën dhe çmimin e madh prej 200 mijë eurosh.

I ftuar në “Big Talk”, në intervistën e parë pas daljes nga ky format, ai ka përmendur gjërat që mendon se e penalizuan më shumë.

I njëjti duket se i ka rënë pishman dhe se tani mendon ndryshe për videon e Rezit, ku ai në një formë po e bullizonte për mënyrën se si ec dhe shikon.

Lexo po ashtu Burimi eliminohet nga Big Brother VIP Kosova

“Penalizimi i lojës time ka qenë mosreagimi ndaj bullizimit. Se kanë qenë dy raste që isha i bullizuar. Jam ndjerë i bullizuar por kam menduar që duke mos e shfaqur. Nuk e di si më erdhi ajo dhe kur i pashë videot jashtë siç kanë dalur edhe i kërkoj falje të gjithë njerëzve që janë si unë sepse nuk kam reaguar si është dashur të reagoj”, u shpreh Vatovci.

Ish-konkurrenti tutje theksoi: “Bullizimi i parë ka qenë i Rezit që jashtë është parë si bullizim që kanë reaguar edhe VIP-at e Kosovës, aty e kuptova gabimin tim por secili njeri gabon.
Falënderoj publikun që ka shprehur përkrahje për mua pa marrë parasysh çka-do që ka ndodhur. Bullizimi tjetër ka qenë prej Arionit, se ai është bullizues”.

Burimi vlen të ceket se qëndroi për më shumë se një muaj në këtë reality shou. /Telegrafi/