Bujar Osmani me shefat e delegacioneve të BE-së: OSBE dhe BE kanë interesa të përbashkëta dhe duhet të veprojnë bashkërisht
Ekziston një marrëdhënie e fuqishme midis OSBE-së dhe Bashkimit Evropian. Të gjitha vendet anëtare të BE-së janë gjithashtu vende pjesëmarrëse të OSBE-së, gjë që na krijon një hapësirë të favorshme për të punuar së bashku në përmbushjen e detyrimeve tona të përbashkëta.
Këtë e theksoi kryesuesi i OSBE-së dhe Ministri i Punëve të Jashtme i RMV-së, Bujar Osmani, në takimin me krerët e delegacioneve të vendeve anëtare të BE-së në Kombet e Bashkuara. Osmani prezantoi prioritetet dhe sferat kryesore në të cilat OSBE-ja dhe BE-ja mund të bashkëpunojnë – sigurimi i paqes në Evropë duke i dhënë fund luftës në Ukrainë, si dhe duke përdorur mekanizmat dhe resurset që posedojnë OSBE dhe Bashkimi Evropian për t’iu përgjigjur të gjitha sfidave të sigurisë.
“Ne vlerësojmë mbështetjen, transparencën dhe konstruktivitetin e vendeve anëtare të BE-së për çështjet më aktuale që lidhen me sfidat dhe prioritetet e Kryesimit. Në këtë kontekst, politikisht do të vazhdojmë bashkëpunimin e ngushtë brenda BE-së, por edhe në nivel kombëtar do të vazhdojmë të koordinojmë qëndrimet tona me politikën e përbashkët të jashtme dhe të sigurisë të BE-së”, tha Osmani në takim.
Ai para shefave të delegacioneve të BE-së i prezantoi prioritetet e Kryesimit të Maqedonisë së Veriut me OSBE-në, si dhe çështjet në aspektin e funksionalitetit të Organizatës.
“Maqedonia e Veriut ofron udhëheqje politike për OSBE-në, duke u përpjekur të kontribuojë në proceset kyçe për sigurinë e përgjithshme evropiane. Pavarësisht se sa shqetësuese dhe dekurajuese janë zhvillimet e fundit në terren, ne do të vazhdojmë të punojmë fort për një zgjidhje diplomatike”, theksoi Osmani.
Për të rivendosur funksionalitetin e plotë të OSBE-së, Osmani kërkoi mbështetje nga BE-ja. Ai theksoi se si Kryesues ka ide dhe plan veprimi për të dalë nga situata komplekse në të cilën ndodhet OSBE; buxheti i bllokuar dhe pamundësia për të zgjedhur një lidership të ardhshëm, por theksoi se nevojiten përpjekje të përbashkëta për të kapërcyer dallimet.
Osmani në takimi informoi edhe për vizitën e tij të fundit në rajonin e Kaukazit Jugor në cilësinë e kryesuesit të OSBE-së, për planet e ardhshme dhe pse një Organizatë e fortë dhe e bashkuar është e rëndësishme për ruajtjen e stabilitetit dhe sigurimin e paqes së qëndrueshme në rajonin e gjerë të OSBE-së.
Promo
Reklamo këtuLufta Prigozhin - Putin
Më shumëTë lënduarit nga mjeti shpërthyes në Gjakovë i amputohet dora
Deputetja Fjolla Ujkani: 110 mijë eurot e ndara nga Komuna e Prishtinës janë për operacionin e ardhshëm të Elzës
Ministri shqiptar i Mbrojtjes prezanton makinën e parë të blinduar ushtarake “Made in Albania”
Trafiku i armëve nga Kosova në Shqipëri, autorët bashkëpunonin me serbë
Avancimi i Kosovës në NATO, Lancaster: Aleatët duhet të konsultohen
Gërvalla në SHBA: Veprimet destabilizuese të Serbisë dhe Rusisë kërcënojnë rajonin dhe gjithë Evropën
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Arta Nitaj është shtatzënë në pritje të fëmijës së parë
"Ka qenë një ndër momentet më të vështira për ne", babai i Meritonit flet për herë të parë për Ilnisën dhe nominimin e fortë me Eglën
"Nuk do të toleroj dikë që të përdorë emrin tim" - Ter Stegen shpërthen dhe mohon të ketë folur me Laportan për Xavin
Anomali në gravitetin hapësinor - a është në rrezik teoria e Ajnshtajnit?
Qeveria s’heq dorë nga operacionet në veri, opozita i kërkon koordinim me aleatët
Ukrainasit shkatërrojnë sistemin raketor rus që vlen 800 milionë dollarë